Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
42
ҳужжатларида белгиланган ёки тарафлардан бирининг аризасига 
кўра ўзаро келишувга эришиш лозим бўлган бошқа муҳим шартларни 
назарда тутиши керак .
Тарафлар ўртасида тузилган шартномада эса барча муҳим шартлар 
кўрсатилмаган . Жумладан, полупропилин халталар етказиб бериш 
назарда тутилган бўлса-да, аммо уларнинг сифати, ассортименти 
ҳамда ўлчами кўрсатилмаган .
Ваҳоланки, Фк 364-моддасининг биринчи ва иккинчи 
қисмларига мувофиқ агар тарафлар ўртасида шартноманинг барча 
муҳим шартлари юзасидан шундай ҳолларда талаб қилинадиган 
шаклда келишувга эришилган бўлса, шартнома тузилган 
ҳисобланади . Шартноманинг нарсаси тўғрисидаги шартлар, қонун 
ҳужжатларида бундай турдаги шартномалар учун муҳим ёки за-
рур деб ҳисобланган шартлар, шунингдек тарафлардан бирининг 
аризасига кўра келишиб олиниши зарур бўлган ҳамма шартлар 
муҳим шартлар ҳисобланади .
Ўзбекистон Республикаси Олий хўжалик суди Пленумининг 
“Ўзбекистон Республикаси фуқаролик кодексининг битимларни 
ҳақиқий эмас деб топиш тўғрисидаги нормаларини қўллашнинг 
айрим масалалари ҳақида” 2014 йил 28 ноябрдаги 269-сонли қарори 
12-бандининг биринчи хатбошисида Фк 116-моддасига кўра,
ўз-ўзидан ҳақиқий бўлмаган битим бўлиб: қонун ҳужжатларининг 
талабларига мувофиқ келмайдиган мазмунда, ҳуқуқ-тартибот асос-
ларига қарши мақсадда, ахлоқ асосларига атайин қарши мақсадда 
тузилган битим ҳисобланиши ҳақида тушунтириш берилган .
Шу боис Ҳайъат қайд этилган қонун талабларига асосланиб, 
тарафлар ўртасида тузилган шартномада барча муҳим шартлар кўр-
сатилмаганлиги, ушбу ҳолда шартнома ўз-ўзидан ҳақиқий эмасли-
гини, қолаверса, маҳсулот қийматининг 15 фоизи бўйича тўлов 
олдиндан амалга оширилмаганлиги инобатга олиниб, ҳал қилув 
қарорини бекор қилиб, даъво талабини қаноатлантиришни рад этиш 
ҳақида янги қарор қабул қилишни лозим топган .

---