Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
254
асосида 4 493 250 сўм молиявий жарима маблағлари ечиб олинган . 
Туман прокуратураси томонидан қўзғатилган жиноят иши бўйича 
“Ҳужжатли тафтиш ўтказиш ҳақида”ги 2017 йил 2 апрелдаги қарори 
ва ДСИнинг 3 апрелдаги буйруғига асосан жавобгар томонидан солиқ 
қонунчилигига риоя қилиниши юзасидан текшириш ўтказилган . 
Текширишда жавобгарнинг ҳисобда реализация қилинмаган деб 
кўрсатилган 450 000 сўмлик товарлар омборда мавжуд эмаслиги, 
2 350 000 сўмлик товар моддий бойликларининг кирим ҳужжатлари 
йўқлиги, шунингдек 2015 йил ва 2016 йилнинг январь-октябрь 
ойларида 5 600 000 сўмлик савдо тушуми назорат-касса машинасига 
кирим қилинмасдан банк муассасасига топширилганлиги аниқланган . 
Бу ҳақда қонун ҳужжатларида белгиланган тартибда далолатнома 
расмийлаштирилган . 
Солиқ текшируви материаллари давлат солиқ хизмати органи 
томонидан кўриб чиқилиб, натижаси бўйича тегишли қарор қабул 
қилинган . Ушбу қарорга биноан жавобгарга нисбатан Солиқ кодекси 
114-моддасининг биринчи қисмига асосан 2 350 000 сўмнинг
20 фоизи, яъни 470 000 сўм, ушбу модданинг учинчи қисмига асосан 
6 050 000 (450 000+5 600 000) сўмнинг 20 фоизи, яъни 1 210 000 сўм
ва Солиқ кодекси 119-моддасининг иккинчи қисмига асосан энг 
кам иш ҳақининг 75 баравари миқдорида 11 233 125 сўм молиявий 
жаримани ихтиёрий тўлаб бериш тавсия этилган .
Жавобгар томонидан молиявий жарима ихтиёрий тўлаб 
берилмаганлиги сабабли ДСИ судга ариза билан мурожаат қилиб, 
унга нисбатан Солиқ кодекси 114-моддасининг биринчи қисмига 
асосан 470 000 сўм, учинчи қисмига асосан 1 210 000 сўм ва Солиқ 
кодекси 119-моддасининг иккинчи қисмига асосан 11 233 125 сўм 
молиявий жарима қўллашни сўраган .
Биринчи инстанция судининг 2017 йил 15 августдаги ҳал қилув 
қарори билан ариза қаноатлантирилган . Жавобгарга нисбатан Солиқ 
кодекси 114-моддасининг биринчи қисмига асосан 470 000 сўм,
учинчи қисмига асосан 1 210 000 сўм ва Солиқ кодекси 
119-моддасининг иккинчи қисмига асосан 11 233 125 сўм молиявий 
жарима тайинланиб, Солиқ кодекси 108-моддасининг саккизинчи 
қисмига асосан унча оғир бўлмаган молиявий санкцияни оғирроқ 

---