Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
236
Чунки “Акциядорлик жамиятлари ва акциядорларнинг ҳуқуқ-
ларини ҳимоя қилиш тўғрисида”ги Ўзбекистон Республикаси Қонуни 
51-моддасининг бешинчи қисмига кўра эгаси ёки эгасининг қонуний 
ҳуқуқий вориси ёхуд меросхўри томонидан уч йил ичида талаб қилиб 
олинмаган дивиденд акциядорларнинг умумий йиғилиши қарорига 
кўра жамият ихтиёрида қолади .
Бу ерда даъво аризаси 2016 йил 24 декабрда берилган бўлиб, 
унда 1999-2003 йиллар якуни бўйича ҳисобланган дивидендларни 
ундириш сўралган .
Шунингдек “Қимматли қоғозлар бозори тўғрисида”ги Ўзбекистон 
Республикаси Қонуни 62-моддасининг биринчи ва тўртинчи 
қисмларига кўра эмитент ва қимматли қоғозлар бозорини тартибга 
солиш бўйича ваколатли давлат органи томонидан қабул қилинган, 
эмиссиявий қимматли қоғозларни чиқариш билан боғлиқ бўлган 
қарорларни ҳақиқий эмас деб топиш, эмиссиявий қимматли 
қоғозларнинг чиқарилишини, эмиссиявий қимматли қоғозларни 
жойлаштириш жараёнида тузилган битимларни ҳақиқий эмас деб 
топиш учун даъво муддати эмиссиявий қимматли қоғозларнинг 
чиқарилишини жойлаштириш муддати тугаган санадан эътиборан 
бир йилни ташкил этади .
Ушбу модданинг биринчи-учинчи қисмларида назарда тутил-
маган ўзга ҳолларда, шунингдек бошқа қимматли қоғозлар бўйича 
даъво муддатлари қонунга мувофиқ белгиланади .
Ўзбекистон Республикаси Олий хўжалик суди Пленумининг 
“Иқтисодий судлар томонидан корпоратив низоларни ҳал этишнинг 
айрим масалалари тўғрисида” 2014 йил 20 июндаги 262-сонли 
қарорининг 15-бандида “Қимматли қоғозлар бозори тўғрисида”ги 
Ўзбекистон Республикаси Қонуни 62-моддасида назарда тутилган 
талаблардан ташқари бошқа талаблар бўйича умумий даъво муддати 
(уч йил) ҳисобланиши, ўтказиб юборилган даъво муддатини тиклаш 
масаласи Фкнинг 159-моддасида кўрсатилган тартибда ҳал этилиши 
ҳақида тушунтириш берилган .
Бироқ АЖ акциядорлари акцияларини сотиб олиш тўғрисидаги 
АЖ акциядорлари умумий йиғилишининг қарори 2004 йил
30 ноябрда қабул қилинган бўлиб, бунга 12 йилдан ортиқ вақт ўтган 

---