Conference proceedings

ATMOSFER TƏZYİQİ VƏ ONUN ÖLÇMƏ VASİTƏLƏRİ 
Azərbaycan Dövlət Neft və Sənaye Universiteti, Bakı, Azərbaycan
[e-mail] 
Xülasə: 
Hamımızın bildiyi qədərilə atmosfer adlanan nəhəng bir hava okeanının dibində 
yaşayırıq. Atmosferdə baş verən bütün dəyişikliklər bir insana, sağlamlığına, həyat tərzlərinə şübhəsiz təsir edəcəkdir, çünki insan 
təbiətin ayrılmaz hissəsidir. Hava şəraitini təyin edən amillərin hər biri: atmosfer təzyiqi, temperatur, rütubət, havadakı ozon və oksigen 
miqdarı, radioaktivlik, maqnit fırtınaları və s. insanların orqanizminə və sağlamlığına birbaşa və ya dolayı təsir göstərir. Atmosfer 
təzyiqi bu faktorların içərisində mühüm yer tutur [1]. 
Mümkün hava dəyişikliklərini proqnozlaşdırma ehtimalı daha yüksək olması üçün atmosfer təzyiqini ölçülməsi 
lazımdır. Təzyiq dəyişiklikləri ilə hava dəyişiklikləri arasında birbaşa əlaqə var. Bəzi ehtimallarla atmosfer təzyiqində artım və ya 
azalma hava dəyişikliyinə işarə ola bilər. Məsələn təzyiq aşağı düşərsə, buludlu, yağışlı hava gözlənilir, lakin yüksəlirsə - quru hava, 
qışda soyuq bir hava proqnozlaşdırılır. 
Dəniz səthi üzərində normal atmosfer təzyiqi 0º-də 760 mm c.süt.-na bərabərdir. Atmosfer təzyiqinin ən çox istifadə edilən 
ölçü vahidləri millimetr (mm) və ya millibarlardır (mb) . Son dövrlərdə atmosfer təzyiqinin mütləq vahidi kimi millibarlar göstərilir.
Atmosfer təzyiqini ölçmək üçün şkalaları mm, və yaxud mb ilə bölünmüş barometrlərdən istifadə olunur. Ən çox bilinən 
növləri isə civəli (kasalı) barometr, aneroid və baroqrafdır
[1].
Açar sözlər:
atmosfer təzyiqi, atmosfer təzyiqinin ölçülməsi , insan orqanizminə təsiri, cihazlar, rəqəmsal barometr.