Communication and information agency of uzbekistan tashkent information technologies

Нутқни узатиш рақамли тармоқларининг афзалликлари

Рақамли алоқа тармоқларининг техник афзалликлари қуйидагича:

- гуруҳ ташкил этилишининг оддийлиги;
- сигнализациянинг оддийлиги;
- замонавий технологиянинг ишлатилиши;
- узатиш ва коммутация тизимларининг интеграцияси;
- сигнал-шовқин нисбатининг кичик қийматларида ишлаши мумкинлиги;
- сигнални регенерациялаш;
- бошка хизмат турларига мослашувлиги;
- ишчи характеристикаларни назоратлаш мумкинлиги;
- ахборотни махфийлаштиришнинг енгиллиги.
Қуйида рақамли тармоқларни бу хусусиятлари кўриб чиқилган. Гуруҳ ташкил этишини оддийлиги.
Узатишнинг рақамли усуллари биринчи марта каналларни вақт бўйича ажратиш билан гурух ташкил этиш тизимларида ишлатувчи шаҳарлараро боғловчи линиялардан телефон сўзлашувларини узатишда фойдаланилган.
Моҳияти бўйича, бу тизимларнинг иқтисодий самарадорлиги, узатиш тракти охирги қурилмадаги электроникани қўлланиш нархини, трактдаги кўп жуфт симлар нархига алмаштириш билан шартланади. Бу алмашинув йил сайин иқтисодий кўпроқ самаралироқ бўлмоқда. КЧА билан гуруҳ ташкил этиш хам линия – кабель иншоатларда ҳаражатларни камайтиришга олиб келади, КЧА қурилмалар КВА қурилмаларидан одатда қимматроқ.
КВАда гуруҳли аналогли сигналларни шакллантириш сигнал дискретларини рақамли шаклда кўринишини талаб этмайди.
КВАли аналогли тизимларнинг нуқсони уларнинг паст халакит - бардошлигидадир. Бу манфий омилларни регенерациялаш ёрдамида рақамли тизимдагидай йўқотиш мумкин эмас. Шу боис аналогли тизимларда ВРК ни ишлатиш мақсадга мувофиқ эмас. Шовқинсиз ва бузилишсиз узатиш шартини таъминловчи ҳоллари бундан истисно.
Сигнализациянинг оддийлиги шундаки, бошқарувчи ахборот (чақирув, гўшак қўйиш, манзил рақамлари, телефон автоматга тангаларнинг туширишдаги ҳолати ва ҳокозо) ўз табиати бўйича кўпроқ рақамлидир, демак у осонгина рақамли узатиш тизимига киритилиши мумкин. КВА узатиш тизимида бошқариш ахбороти учун махсус бошқарув канали ажратилади.
Бошкарувчи сигналларни узатиш учун қабул қилинган формат узатиш тизимининг туридан ҳамда терминал ускунага боғлиқ бўлади. Бошқарувчи ахборотни узатишда ишлатиладиган бир, форматни бошқасига ўзгартириш алоқа тармоғининг алоҳида тизимчаларининг мослаштирувчи қурилмаларида амалга оширилади. Сигнализация тармоқ эксплуатацияси билан шуғулланадиган телефон компаниялари учун, анъанавий равишда маъмурий жиҳатдан ҳам молиявий жиҳатдан ҳам сезиларли бўлган.
Bell Sustem фирмаси станциялараро сигнализация тизими, деб аталган тизимнинг деталлашган лойиҳасини ишлаб чиқди, у алоқа тармоғидаги сигнализациянинг кўпгина муаммоларини хал қилиш имконини беради. ОКС бўйича сигнализация тизими аналогли тармоқда модемларни ишлатиш билан амалга оширилишига қарамай бу тизимни киритишдан олинадиган сезиларли самарадорликни фақат катта тезликдаги рақамли алоқа каналлари мавжуд бўлганда олиш мумкин.