Что такое предметно-ориентированные языки (dsl)?

PYTHON TILI MODULLARINI SINFLASHTIRISH
Muallif: Otaxanov Nurillo Abdumalikovich
ID: nurillo_otaxanov
E-mail: [e-mail]
Ish joyi: Namangan davlat universiteti
Manzili: Namangan viloyati, Namangan shahri, Uychi ko‘chasi, 316-uy, indeks: 160119
Tадқиқот маскани: Namangan davlat universiteti
Ilmiy unvoni: NamDU professori, PhD.
Telefon: [phone]


Annotatsiya
Python dasturlash tili katta sondagi ichki va tashqi modullarni oʻz ichiga oladi. Python tilini oʻqitish yoki bu tilda dastur ishlab chiqish jarayonida uning imkoniyatlaridan toʻliq foydalanish uchun mavjud modullar va ular mansub boʻlgan sohalarni aniqlash, sodda qilib aytganda, modullarni sinflarga ajratish muhim ahamiyat kasb etadi.
Ushbu maqola Python dasturlash tilining ichki va tashqi modullarini sinflarga ajratish muammosiga bagʻishlangan. Sinflarga ajratishda muallif ishonchli manba hamda shaxsiy tajriba va tahlillardan foydalangan. Shuningdek, maqoladan DSL lardan foydalanishning avzalliklari haqidagi ma’lumotlar ham oʻrin olgan.
Kalit soʻzlar: Python, dastur, ilova, dasturlash tili, modul, metod, funksiya, predmet, DSL, sinf, sinflashtirish.


KIRISH
Predmetga yoʻnaltirilgan dasturlash tillari (PYDT) (inglizcha domain-specific programming language, domain-specific language, DSL) — bu yuqori darajali abstraksiyalashga ega boʻlgan dasturlash tillari boʻlib, ma’lum bir sohaga tegishli masalalar uchun dastur ishlab chiqish vositasi sanaladi va oʻzi hal qilishi mumkin boʻlgan masala hususiyatlarini aks ettiradi. Bunday dasturlash tillari ma’lumotlarni yigʻish, saqlash, qayta ishlash va uzatishda ma’lum bir sohaga oid atama va qoidalardan foydalanadi.
Odatda, PYDT Java, Pascal yoki C++ kabi umumiy maqsadlarga xizmat qiluvchi dasturlash tillari kabi murakkab boʻlmaydi. Bunday dasturlash tillari qoʻllanish sohasi boʻyicha yetakchi mutaxassislar bilan birgalikda ishlab chiqiladi va modullardan foydalanishni nazarda turtadi.
Modul soʻzini qoʻllanish sohalariga bogʻliq ravishda turlicha talqin qilish mimkin. Dasturlash tillari haqida gap borganda, modul tushunchasini “har biri mustaqil boʻlgan va kichik bir masalani to’la hal qilishga moʻljallangan metod va funksiyalar kutubxonasi” tarzida talqin qilinadi. “Kutubxona” soʻzidan koʻrinib turibdiki, har bir modul katta sondagi metod va funksiyalarni oʻz ichiga olishi mumkin. Modulning u yoki bu komponentasidan foydalanishga toʻgʻri kelganda, parametrlarni koʻrsatgan holda tegishli metod yoki funksiyaga murojaat qilish kifoya. Nazariy jihatdan, moduldagi metod va funksiyalar soni chegaralanmagan.
Odatda, kattagina qismi modullardan iborat boʻlgan dasturlash tillaridan foydalanish uchun yuqori malaka talab qilinmaydi, boshqacha aytganda, dastur ishlab chiqish uchun dasturi ishlab chiqilayotgan masala sohasi boʻyicha yetarli bilimlarga ega boʻlish hamda dasturlash boʻyicha boshlangʻich koʻnikma va malakalarning shakllangan boʻlishi kifoya.