Choydari” mahalla fuqarolar yig‘ini vakillar yig‘ilishining 2022 yil dagi son bayonnomasiga asosan tasdiqlangan

8-bob. Fuqarolar yig‘ini faoliyatining iqtisodiy asosi
45. Fuqarolar yig‘inlari tomonidan barpo etilgan, olingan yoki qonunda belgilangan tartibda ularga berilgan jamoat, ijtimoiy-maishiy ob’ektlar va boshqa maqsadlarga mo‘ljallangan ob’ektlar, shuningdek, transport vositalari, xo‘jalik anjomlari va boshqa ko‘char hamda ko‘chmas mol-mulk ularning mulkidir.
46. Fuqarolarning o‘zini o‘zi boshqarish organlari faoliyatining moliyaviy manbalari:
o‘z mablag‘laridan;
mahalliy byudjet mablag‘laridan;
grantlar va investitsiyalar daromadlaridan;
fuqarolar yig‘inlarining o‘z mulkidan olingan daromadlardan;
yuridik va jismoniy shaxslarning homiylik xayriyalaridan;
qonunchilik hujjatlari bilan taqiqlanmagan boshqa mablag‘lardan tashkil topadi.
47. Fuqarolarning o‘zini o‘zi boshqarish organlari bank hisobvarag‘idagi moliyaviy mablag‘larini mustaqil tasarruf etadi.
Fuqarolar yig‘inining moliyaviy mablag‘lari olib qo‘yilishi mumkin emas.
48. Fuqarolar yig‘inining kengashi moliyaviy mablag‘lardan foydalanish to‘g‘risida har chorakda fuqarolar yig‘ini majlisi (fuqarolar vakillarining yig‘ilishi) oldida hisob beradi.
9-bob. Yakunlovchi qoidalar
49. Fuqarolarning o‘zini o‘zi boshqarish organlari o‘z faoliyatining hisobini yuritadi hamda davlat statistika va soliq xizmati organlariga hisobot taqdim etadi.
50. Fuqarolar yig‘ini to‘g‘risidagi nizomga o‘zgartirish va qo‘shimchalar kiritish haqidagi taklif fuqarolar yig‘iniga uning raisi (oqsoqoli), kengashi, taftish komissiyasi tomonidan kiritilishi mumkin.
51. Fuqarolar yig‘ini to‘g‘risidagi nizomga o‘zgartirish va qo‘shimchalar fuqarolar yig‘ini majlisida (fuqarolar vakillarining yig‘ilishida) tasdiqlangandan keyin tegishli Davlat xizmatlari markazlarida hisobga olinadi. Nizomga kiritilgan o‘zgartirish va qo‘shimchalar hisobga olingach qonuniy kuchga kirgan hisoblanadi.
52. Fuqarolar yig‘inini qayta tashkil etish va uning faoliyatini tugatish ma’muriy-hududiy birliklar va mahalla birlashtirilganda, bo‘linganda, tugatilganda, chegaralari o‘zgartirilganda fuqarolar yig‘ini majlisi (fuqarolar vakillarining yig‘ilishi)ning qaroriga ko‘ra qonunchilik hujjatlariga muvofiq amalga oshiriladi.
53. Fuqarolar yig‘ini faoliyatini tugatish to‘g‘risida qaror qabul qilinganda fuqarolar yig‘ini majlisi (fuqarolar vakillarining yig‘ilishi) tomonidan tugatish komissiyasi tuziladi.
54. Fuqarolar yig‘ini tugatilganda uning mablag‘i va mol-mulk fuqarolar yig‘ini majlisi (fuqarolar vakillarining yig‘ilishi) qarori bilan ushbu Nizom maqsadlari uchun sarflanadi.

“Choydari” MFY raisi D.Xurramov