Chet el investitsiyalarini tartibga solishning jahon amaliyoti

Investitsion loyihalarni baholashdan avval investitsion bozorni o'rganish zaruriyati mavjud. Ushbu harakat esa odatda, quyidagi ketma-ketlikda amalga oshiriladi:

— investitsion bozor makroiqtisodiy ko'rsatkichlarning rivojlanishini bashorat qilish va baholash (investitsion iqlimni baholash); — hududlarning investitsion holatini bashorat qilish va baholash; — iqtisodiy tarmoqlarning investitsion jozibadorligini bashorat qilish va baholash; — alohida investitsion loyihalarni baholash va investitsion bozorning bo'g'inlarini o'rganish; — korxonalar investitsion strategiyasini qayta ishlash; — korxonalarda samarali investitsion portfelni shakllantirish, real kapital qo'yilmalarni va moliyaviy hamda innovatsion investitsiyalarni qamrab olgan holda; — korxonlar investitsion portfelini boshqarish (diversifikatsiya, kapitalni qayta investitsiyalash va boshqalar).

Investor doimo investitsion bozorni makroiqtisodiy ko'rsatkichlarni tahlil qilishdan boshlaydi. U mamlakatdagi investitsion jarayonga yo'naltirilgan bo'lib, quyidagi taxminlarni o'z ichiga qamrab oladi:

Yalpi milliy mahsulot o'sishi, milliy daromad va mahsulot ishlab chiqarishning hajmi;
Milliy daromadni taqsimlashning o'sishi;
Investitsion faoliyatni huquqiy tartibga solish;
Soliq va bank tizimi holati;
Alohida investitsion bozor, ya'ni fond va pul bozorlarining rivojlanishi

Infratuzilma holatini yaxshilash orqali investitsiyalar miqdorini oshirish bo’yicha Malayziya tajribasi

Malayziya xorijiy investorlarni jalb qilishda juda muhim omil hisoblangan infratuzilma darajasini yangilash va telekommunikatsiya tarmog’ini rivojlantirishda muvaffaqqiyatli harakatni amalga oshirgan. Infratuzilma sifati to’g’ridan-to’g’ri investitsiyalarni jalb qilishga harakat qilayotgan, rivojlanayotgan mamlakatlar uchun muhim omil hisoblanadi. Hisob-kitoblarga ko’ra, mamlakatdagi 1 foiz infratuzilmani yaxshilash, to’g’ridan-to’g’ri xorijiy investitsiyalar oqimining 2,6 foiz oshishiga olib kelishi aniqlangan. (jadvalda 2019-yil bo’yicha Malayziya investitsiya uchun eng qulay mamlakat ekanligi haqidagi ma’lumot aks ettirilgan)