Charm buyumlari badiiy loyixalash asoslari fanga kirish. 1-mavzu. Charm buyumlarini badiiy loyixalash rivojlanishining umumiy tarzi. Reja

1-modul. CHARM BUYUMLARI BADIIY LOYIXALASH ASOSLARI FANGA KIRISH.

1-mavzu. CHARM BUYUMLARINI BADIIY LOYIXALASH RIVOJLANISHINING UMUMIY TARZI.

Reja:

1. 
   CHarm buyumlarini badiiy loyixalash rivojlanishining umumiy tarzi.
   
2. 
   Dizaynning har xil hududlarda rivojlanish xususiyatlari.
   

Tayanch so`z va iboralar: Badiiy va muhandislik konstruktsiyalash, kiyim, libos, plastik anatomiya, ibtidoiy, iqlim, ishlab chiqarish qurollari, teri, yaxlit, rus madaniyati, baland poshna.

Charm maxsulotlarini konstruktsiyalash va modellashtirish – maxsulotning tashqi ko`rinishi va tuzilishiga doir badiiy va texnik masalalar yechimini o`z ichiga olgan murakkab ijodiy jarayondir.

Badiiy masalalarga buyumning modaga mos shakli, silueti va bichimini yaratish, buyum qismlarining o`zaro proportsional nisbatlarini aniqlash, maxsulotning badiiy qiyofasini ifodalash kiradi.

Texnik-muhandislik masalalari hisoblash formulalari va maxsulotning tayyor holda kerakli shaklini va tahminlaydigan konstruktsiya detallarini grafik usullari yordamida qurishini nazarda tutadi. Bundan tashqari detallar o`lchamlari va konfiguratsiyasi, yig`masi va birikmalari maxsulotning figurada yaxshi o`rnashishini, ekspluatatsiyada qulaylik va ishonchlilikni, ishlab chiqarish jarayonida tejamlikni tahminlashi kerak.

Badiiy va muhandislik konstruktsiyalash – yagona chambarchas bog`langan jarayondir. Uning maqsadi estetik jihatdan insonning his-tuyg`ularini qoniqtiradigan kiyim va poyafzallarning mukammal modellarini yaratishdir.

Qo`yilgan ushbu masalalarga erishmoq uchun mutaxassisdan quyidagilar talab qilinadi:

- maxsulotga doir joriy va istiqbolli moda yo`nalishini bilish;

- modelni tahlil qila olish va qanday konstruktiv vositalar yordamida model silueti, bichimi va funktsional-dekorativ elementlarining yechimiga oid yo`llarini to`g`ri tanlash;

- kiyim va poyafzal kompozitsiyasi;

- plastik anatomiya, aholi tipologiyasi, odam psixologiyasiga doir bilimlarga ega bo`lish;

- buyumni konstruktsiyalash usullarini, gazlama va materiallarning fizik-mexanik va ishlov berishga oid xossalarini, buyumni modellashtirish usullarni bilmog`i kerak.