Chala maymunlar va maymunlar. Odamsimon maymunlar

Kaputsin maymunlari

Kaputsin maymunlari. Gondurasdan Braziliyagacha bo‘lgan hududlarda tarqalgan. Ular aslida daraxtlarda yashaydilar. Erga suv ichish uchun tushadilar. Mevalar, hasharotlar bilan oziqlanadilar. Vazni 1100 - 3300gr, gavda uzunligi 32 - 57sm. Urg‘ochisi biroz kichik, dumining uzunligi 29 - 56 sm. Keyingi oyoqlari biroz uzun yoki ular teng. Bashmaldog‘i kuchli rivojlangan. Qoziq tishlari, ayniqsa, erkaklarida yirik. Dumi daraxt shoxlariga ilashuvchi va spiralsimon o‘raladi. Oq ko‘krakli qo‘ng‘ir va qora turlari bor.

Tuban torburunli maymunlar katta oilasi.

Bular Amerika maymunlaridan burun kataklarining yaqinligi va yuzidan burni oldinga chiqqanligi bilan harakterlanadi. Dumining uzunligi har xil, lekin oyoqlari teng yoki oldingi oyog‘i biroz kaltaroq. Barmoqlari orsida eng yirigi uchinchi barmoq hisoblanadi. Yuqori jag‘idagi qoziq tishlari juda katta. Tanasining terisi rangli. Bosh miyasi yaxshi rivojlangan, uning hajmi 100-150gr. Tuban torburunli maymunlar kunduzi poda bo‘lib, daraxtlarda yoki yerda – Afrikada (pavian, makiril, martishka) va Osiyoda (makaka, burundor, qora pavian) yashaydi. O‘simliklar, hasharotlar, mayda hayvonlar bilan oziqlanadilar. Yil davomida urchiydilar. Homiladorligi 150
- 200 kun. Odatda bitta, ahyona-ahyonda ikkita bola tug‘adi.
Martishka


Makaka
Pavian

Olimlar birinchi marta maymunni klonlashtirishdi

Xitoylik olimlar birinchi marta bitta martishka (makakalar turiga mansub, uzun dumli kichik maymun)dan ikkita to‘laqonli klon o‘stirishning uddasidan chiqishdi. Bu haqda Cell jurnalida e'lon qilingan maqolada aytiladi.
Ta'kidlanishicha, olimlar «Dolli qo‘yini» klonlashtirish uchun qo‘llanilgan uslubdan foydalanishgan.
Hayvonlar somatik hujayradan yadroni ko‘chirish yordamida klonlashtirilgani aytilmoqda.
Olimlarning so‘zlariga ko‘ra, jarayonning muvaffaqiyatli chiqishiga yadroni o‘tkazish uslubi takomillashtirilgani sabab bo‘lgan. Bundan tashqari, ular fermentlar va RNK molekulalaridan iborat bo‘lgan maxsus «kokteyl»ni ishlab chiqishdi, u DNK oqsil qoplamasini zararlardan himoya qilgan va tuxumhujayrani yangi yadro kiritilganidan so‘ng bo‘linishga majburlagan.