Бюджет жараёни Режа: Бюджет жараёни моҳияти ва тамойиллари

Келгуси йил учун давлат бюджети ҳақидаги қонуннинг лойиҳасида:

1. 
   Тавсия этилаётган ассигнованияни молиялаштириш учун зарур бўладиган, ҳаракатдаги қонунчиликка тўғри келадиган даромадлар манбаи, тури ва ҳажми кўрсатилади;
   
2. 
   Ўзбекистон Республикасининг айрим қонунларида кўзда тутилган, келгуси молия йилида бюджет маблағларини олувчиларга маблағ ажратишни кўзда тутувчи ассигнования;
   
3. 
   даромадлар ва харажатлар ҳаракатдаги бюджет классификацияси тизимида кўзда тутилган ҳолда капитал ва жорий харажатларга бўлиниб акс эттирилади;
   
4. 
   Умумдавлат соликларидан Қорақалпоғистон Республикаси республика бюджетига, Тошкент шаҳри ва вилоятлар ҳокимиятларининг бюджетига ажратиладиган ажратмалар меъёри, шунингдек, даромадлар ҳажми, дотация ва субвенциялар билан биргаликда ва кўрсатилаган бюджетларнинг харажатлари;
   
5. 
   Давлат бюджети таркибига кирувчи бюджетларнинг айланма касса (нақд) ҳажми аниқланади;
   
6. 
   Ўзбекистон Республикаси Вазирлар Маҳкамасининг, Қорақалпоғистон Республикаси республика бюджети фондининг, Тошкент шаҳри ва вилоятлар ҳокимиятининг кўзда тутилмаган харажатларни қоплаш учун тузиладиган резерф фондининг ҳажми кўрсатилади;
   
7. 
   Давлат бюджети тақчиллигининг йўл қўйиш мумкин бўлган ҳажми ва уни молиялаштириш манбалари кўрсатилади;
   
8. 
   Давлат томонидан бериладиган кредитларнинг, давлатнинг ташқи ва ички қарзларининг чегараси кўрсатилади.
   

Ўзбекистон Республикаси Вазирлар Маҳкамаси Раиси, ёки унинг топшириғига кўра Ўзбекистон Республикаси Бош Вазири кейинги молия йили учун тузиладиган давлат бюджети лойиҳасини тайёрлаш жараёнини координация ва назоратини амалга оширади. Шундан сўнг Ўзбекистон Республикаси Вазирлар Маҳкамаси, ёки унинг топшириғига кўра Молия Вазирлиги биринчи ноябрдан кечикмасдан Ўзбекистон Республикаси Олий Мажлисига кейинги молия йили учун бюджет лойиҳасини тақдим этади.
Ўзбекистон Республикаси Олий Мажлиси давлат томонидан бюджет лойиҳасини кўриб чиқиши:
Ўзбекистон Республикаси Олий Мажлиси давлат бюджети лойиҳасига илова қилинган бюджет тақчиллигини ҳисобга олган ҳолда давлат бюджети лойиҳасининг даромадлар ва харажатларининг ҳар қандай моддасини қайтадан кўриб чиқади.
Ўзбекистон Республикаси Олий Мажлиси томонидан харажатлар моддасининг оширилиши бошқа харажат моддаларининг мос равишда қисқаришини кўзда тутиши, ёки даромадларнинг ортишига асосланган бўлиши керак. Худди шундай даромад моддаларининг қисқариши бошқа даромад моддаларининг ортишини, ёки маълум харажатларнинг қисқаришини кўзда тутиши лозим.
Ўзбекистон Республикаси Молия вазирлиги давлат бюджети қонуни тасдиқлангандан сунг уч кунлик муддат ичида Қорақалпоғистон Республикаси Вазирлар Кенгашига, Тошкент шаҳри ва вилоятлар ҳокимиятларига уларнинг даромад ва харажатлари, шунингдек, уларга республика бюджети томонидан ажратиладиган бюджет дотация ва субвенцияларининг ҳажми тўғрисида маълумотни беради. Шундан сўнг, кенгаш икки хафталик муддатда Ўзбекистон Республикаси давлат бюджети доирасида ўз бюджетларни тасдиқлайди. Қорақалпоғистон Республикасининг Жокаргы Кенгеси ва Тошкент шаҳри, вилоятлар халқ депутатлари уч кунлик муддати ичида шаҳар ва туманлар ҳокимиятлар улар бюджетининг даромад ва харажатлари шунингдек юқори турувчи бюджетдан уларга ажаратиладиган дотация ва субвенциялар ҳажми тўғрисидаги маълумотни етказади.