|
Xulosa ………………………………………………………………………………
Foydalanilgan adabiyotlar ro’yhati……………………………………………….
Kirish
Har qanday jarayon yoki faoliyat borki o’z-o’zidan bo’lmaydi bunga ma’lum bir sharoit, eng birinchi o’rinda qonuniy huquq va erkinlik va mukammal ishlangan reja va g’oya talabetiladi, shundan keyin qolgani mehnat bilan amalga oshirish mumkin. Shuning uchun ma’lum bir faoliyat turlari borki ularni rivojlantirmasdan iqtisodiyotni rivojlantirib bo’lmaydi, bunday masalalarni markazida albatta banklar turadi,
Iqtisоdiyotni mоdernizatsiyalash sharоitida tijorat banklarining investitsiya faoliyatini rivojlantirishning asоsiy vazifalaridan biri investitsiоn faоliyat barqarоrligini ta’minlash natijasida iqtisоdiyotni, shu jumladan, mоliya bоzоrini ham rivоjlantirishga erishish mumkin.
Bank tizimi korxona va fuqarolarning kundalik faoliyatida, iqtisodiy rivojlanishida muhim rol o'ynamoqda. Banklar pul aylanishini ta’minlaydi, iqtisodiy sub’ektlarga o‘zaro tovar almashishda to‘lovlarni amalga oshirishda vositachilik qiladi. Bank mahsulotlari va xizmatlaridan foydalanish–iqtisodiy faoliyatlarning rivojlanishiga, jamiyatning ijtimoiy taraqqiyotiga, xizmatlar bozorini yanada rivojlanishiga yordam beradi. Shuningdek, banklar mamlakatni pul bilan ta’minlashda asosiy moliyaviy institut hisoblanadi. Aholining pulga bo‘lgan ehtiyojlarini banklar o‘zlarining turli aktiv operatsiyalari orqali amalga oshirish orqali qondiradilar. Bunda ularga kredit, investitsiya va qator boshqa operatsiyalar yordam beradi.Bank tizimi iqtisodiyotni eng katta ajralmas qismi hisoblanib, bunda katta hajmdagi pul mablag‘lari aylanadi, ishlab chiqaruvchi va investitsiya korxonalariga joriy xizmatlar ko‘rsatadi, bu tizimning rivojlanishi jamiyatning rivojlanishiga va o‘z maqsadlariga yetishishiga olib keladi.
Bank sektorini muvaffaqiyatli isloh qilish uchun asosiy shart-bu davlat tomonidan bu sohada izchil siyosatini olib borishdan iboratdir. Bank sohasida bu siyosat moliyaviy sektor va bankni bir maqsad ostida birlashtirgan holda tizimli barqarorlikni ta'minlash va sog'lom ichki va tarmoqlararo raqobat asosida bank bozorini rivojlantirish uchun zarur shart-sharoit yaratish hisoblanadi. Davlat bank faoliyati va kredit tashkilotlari uchun umumiy tamoyillarni ishlab chiqishi kerak. Bank sektorining asosiy vazifalari pul mablag'larini jamg'arish va ularni kredit va investitsiyalarga aylantirish hisoblanadi.
Bank investitsiya faoliyatini amalga oshirish uchun bu ishdan ko’zda tutilgan maqsadlarni aniqlab olishi zarur. Tijorat banklari uchun bu vazifa odatda mablag’larni saqlash, diversifikatsiyalash, daromad va likvidlikni ta’minlashdan iborat. Amaliy jihatdan olganda, tijorat bankining barcha depozitlarini bir xil ssudalarga joylashtirish mumkin emas. Bunday holat investitsiyalashning asosiy qoidasi - diversifikatsiyalashga zid kelgani uchun ham mumkin emas va noshudlik hisoblanadi. Diversifikatsiyalash deganda majmuada turli-tuman ko’rinishdagi qimmatli qog’ozlar borligi tushuniladi. Diversifikatsiyalash (tabaqalashtirish) siyosatida qaytarish muddatlari, jug’rofiy taqsimlanishi, majburiyatlar turi va emitent hisobga olinishi lozim. Diversifikatsiyalash yo’li bilan tavakkalchilik xavf-xataridan butunlay qochib qutulib bo’lmaydi, ammo uni bir muncha pasaytirish mumkin. Investitsiya siyosatining asosiy ustivorliklari va yo’nalishlari haqidagi hujjatlar bo’lishi maqsadga muvofiq hisoblansada, banklarning hammasi ham unga ega emas, gap shundaki, tavakkalchilik xavf-xatari faqat investitsiya faoliyati bilangina cheklanib qolmaydi, qimmatli qog’ozlarda faol operatsiyalar o’tkazish bilan bog’liq tavakkalchilikni boshqa sohalarda ehtiyotkorona siyosat o’tkazish bilan muvozanat holiga keltirsa bo’ladi.
Albatta, iqtisodiyotni erkinlashtirish sharoitida tijorat banklarining qimmatli qog’ozlar bozorida investitsiyalarni keng qo’lamda eng foydali tarzda joylashtirish yangi mijozlarni jalb qilish sohasidagi raqobat kurashi kuchayadi. Sog’lom raqobat kurashida faol qatnashish uchun tijorat banklari o’z faoliyatlarini takomillashtirishi, shu jumladan, qimmatli qog’ozlar bozorida faol investitsiya siyosatini olib borishlari lozim. Investitsiya faoliyati tijorat banklarining qimmatli qog’ozlar bozoridagi imkoniyatlaridan foydalanishni kengaytirish, muayyan daromad olish, bank likvidligini ta’minlashda muhim rol o’ynaydi.
Do'stlaringiz bilan baham: |
