Buxoro oziq-ovqat va yengil sanoat texnologiyasi instituti «tarmoq mashina va jihozlari»

Ostki ipni taqish. Naycha 1 naycha (122-rasm,a) qalpog`i 2 ga shunday o’rnatilishi kerakki, ip 3 soat mili harakatiga qarama-qarshi yo’nalishda o’ralgan bo’lishi kerak.
Ip 3 naycha qalpog`idagi ariqchadan va taranglash plastinasi ostidan olib o’tilib, naycha qopqog`i ilmog`i teshigidan o’tkaziladi. Ipning tarangligi naycha

qopqog`idagi vint 4 ni burab rostlanadi.

122-rasm. CS1652K-303A yarim avtomatiga ostki ipni taqish
Ip o’ralgan naychasi qurilma 1 mokining (122-rasm) markaziy sterjeni 2 ga kiritiladi. Moki uchi ip 1 ning eng ostki holatida 1,5-2 mm ko’tarilganida ustki ip halqasini ilib olishi kerak. Agar ostki ip noto’g`ri to’ldirilgan bo’lsa, igna noto’g`ri tanlangan bo’lsa, igna ignayuritgichga noto’g`ri o’rnatilgan bo’lsa, moki uchi va igna orasidagi zazor kattalashgan bo’lsa, ostki ipning uzilishga sabab bo’ladi.
Mehnat unumdori yuqori bo’lgan ushbu yarim avtomatda tikilayotgan gazlamaga mos igna va ip tanlansa, chiroyli va puxta chok hosil qilinadi. Ipning qalinli tikilayotgan gazlama tolasi qalinligiga to’g`ri kelishi kerak. Ignani almashtirish uchun ignayuritgichi eng yuqori holatiga keltirilib, ignatutgich vinti bo’shatiladi, igna oxirida va boshqa igna ignatutgich teshigiga oxirigacha taqab kiritiladi.

7. 827 (Rossiya) rusumli tugma qadash yarimavtomatik tikuv mashinasi.

Bu yarimavtomat tikuv mashinasi Podolsk mexanika zavodida ishlab chiqariladi va ich kiyim, kostyum va paltolarga ikki va to’rt teshikli yassi tugmalarni ikki ipli bahya bilan qadashga mo’ljallangan. Bosh valining aylanish chastotasi 1500 ayl/min, 35 mm tugmalar 20 marta sanchib qadaladi.
Mashinada krivoship-shatunli igna mexanizmi bor. Igna platformaning ko’ndalangi bo’yicha og`adi, mokisi markaziy naychali, ip tortkichi 1022-M rusumli tikuv mashinasidagidek sharnir-sterjenli. Material tugma bilan birga faqat mashina platformasining uzunasiga surilishi mumkin. Mashina bir pedalli bo’lib, pedal to’xtatilganda tugma tutkich bilan ekran ko’tarilgan bo’ladi. Ekran tikuvchining ko’zini tugma siniqlaridan jarohatlanishidan saqlashga xizmat qiladi.