Buxoro oziq-ovqat va yengil sanoat texnologiyasi instituti «tarmoq mashina va jihozlari»

"Pannoniya" (Vengriya) firmasining CS1652K-303A puxtalama yarimavtomati.

CS1652K-303A yarimavtomati kostyum va paltolarda ikki ipli moki baxya solib puxtalama hosil qilishga mo’ljallangan. Mashina asosiy valining

aylanishlar chastotasi - 2500 min. Kichik puxtalama 28 marta sanchib, katta puxtalama ignaning 42 marta sanchitishda tayyorlanadi. Tepkisining ko’tarilish balandligi 10 mm, gabarit o’lchamlari 570x260x335 mm. Mashina massasi-51 kg. Kirmaksimon uzatmaning uzatishlar soni 1:28, 2134-35, 134-35 sistemasi ignalari qo’llaniladi.
Mashinada aylanma harakatlanuvchi, sharnirsimon iptaranglash sistemasi moki qo’llanilgan. Materialni ushlab turuvchi tayanch plastina va qisuvchi rama mashina ostida joylashgan richagli mexanizm orqali boshqaruv shkividan harakatlanadilar. Ustki va ostki iplarni qirqim igna plastinasi ostidagi kontr- pichoq yordamida bajariladi. Ipqirqich keyingi tishli jarayoni uchun ipni tortib ham beradi. Mashina ikkita tasmali uzatma orqali harakatga keltiriladi. Mashina mexanizmlari detallari markazlashgan moylash sistemasi yordamida moylanadi.
Mashinada krivoship-shatunli igna, sharnir sterjenli iptortgich bor. Materila mashina platformasining uzunasiga va ko’ndalangiga surilishi mumkin. Mashinada platforma tagida jlylashgan ip qirqish mexanizmi bor. Mashina qo’sh pedalli.
Kichik puxtalamani tayyorlash.Chap pedal bosilsa, tepkilar ko’tariladi. Buyum materialni surish mexanizmining plankasi ning ustiga tepkilar tagiga qo’yiladi. O’ng pedal bosilganda mashina ishga tushadi, igna faqat vertikal harakat qiladi, planka tepkilar bilan birga platformaning ko’ndalangiga suriladi va igna sakkiz marta sanchilganda (119-rasm,a) etti karkas baxya tushadi. Igna sakkiz marta sanchilgandan keyin karkasni o’rash boshlanadi. Material platformaning uzunasiga suriladi. Bundan tashqari, ignaning har bir sanchilishidan keyin material o’ng tomonga puxtalamaning 1/12 bo’yicha suriladi. O’rashning oxirida igna 1 uchta puxtalovchi sanchiladi-da, mashina avtomatik to’xtaydi. Chap pedal bosilsa, tepki 2 ko’tariladi va platforma tagida ip qirqiladi.