Buxoro muhandislik-texnologiya instituti «yengil sanoat texnologiyalari va jihozlari» kafedrasi

7.5. Oraliq nazoratdagi ballar taqsimoti (o’zlashtirish ko’rsatkichlari bo’yicha baholash mezonlari):
Oraliq nazorat o’quv-uslubiy boshqarma tomonidan belgilangan muddat va vaqtlarda og’zaki shaklda, o’tilgan mavzular va bajarilgan mustaqil ishlar yuzasidan savol-javob tarzida olinadi.
Mazkur nazorat turi semestr davomida ikki marotaba o’tkaziladi va har bir oraliq nazorat uchun maksimal 15 ball (o’tkazilgan ma’ruza mashg’ulotlari asosidagi baholashga – 9 ball, bajarilgan mustaqil ishlar asosidagi baholashga – 6 ball), jami 30 ball beriladi.
7.6. Yakuniy nazoratda ballar taqsimoti (o’zlashtirish ko’rsatkichlari bo’yicha):
Joriy va oraliq nazoratlarga ajratilgan umumiy balning 55 foizidan (38,5 baldan) yuqori ball to’plagan talabaga yakuniy nazoratda ishtirok etish huquqi beriladi. Yakuniy nazoratdagi variantlar har bir talabaga takrorlanmaydigan holda alohida tuzilib, har biri 5 ta topshiriqdan iborat bo’ladi.
Yakuniy nazoratdagi yozma ishlarni baholash mezonlari har bir topshiriq uchun maksimal 6 balldan belgilangan.Yakuniy nazorat test yoki yozma shaklda bo’lishi mumkin.


86% dan 100% gacha ball qo’yiladi:

1. 
   Savollarga javob to’g’ri batafsil yoritilgan, adabiyotlar tahlili va masalaga bog’liqligi hamda uni izohlash darajasi aniq yozilgan va bayon qilingan bo’lsa.
   
2. 
   Javoblarni yozganda fikrni ifodalash mantiqiy izchil bo’lib, xulosalar aniq isbotlangan bo’lsa.
   
3. 
   Javoblar aniq, tushunarli, ilmiy-laboratoriya yo’nalishda yoritilib, 1-2 da qo’pol bo’lmagan xato bo’lib, mazmuni ifodalashga xalaqit bermasa yoki xatolar talaba tomonidan to’g’ri topilib yozilgan bo’lsa.
   

71% dan 85% gacha ball qo’yiladi:

1. 
   Savollarga javob to’liq o’quv dastur asosida, fikrlar erkin, mustaqil bayon qilinsa, mulohazalarni izchil bayon qilish va isbotlab berish ko’rinib turgan bo’lsa.
   
2. 
   Javoblar izchil tahlil va sintez asosida yozilgan bo’lib qo’pol xatolarga yo’l qo’yilgan bo’lsa-yu va ular o’qituvchi bilan birgalikda to’g’rilangan bo’lsa.