Buxoro muhandislik texnologiya instituti

Soliq stavkalari

Qo’shilgan qiymat solig’i uchun 2000 yildan 2019 yil oktyabrgacha Soliq Kodeksiga ko`ra respublikamizda 20 foizli va “0” foizli stavka qo`llanilib kelindi. Umuman olganda “0” stavka deganda korxona ishlab chiqarayotgan tovarlarning (bajarilgan ish, xizmatlarning) qiymatiga qo`shilgan qiymat solig’i qo`llanilmaydi, ya`ni “nol” ga teng degani. 2019 yil oktyabrdan hozirgacha 15 foizli va “0” foizli stavka qo`llanilib kelinmoqda.

O'zbekiston Respublikasi Prezidentining “O'zbekiston Respublikasining 2018 yilgi asosiy makroiqtisodiy ko'rsatkichlari prognozi va Davlat byudjeti parametrlari to'g’risida”gi 2017 yil 29 dekabrdagi PQ-3454-sonli qaroriga asosan 2018 yilda Qo’shilgan qiymat solig’i stavkasi 20 foiz miqdorida saqlanib qolindi.2019 yilda O'zbekiston Respublikasi Prezidentining “O'zbekiston Respublikasining 2019 yilgi asosiy makroiqtisodiy ko'rsatkichlari prognozi va Davlat byudjeti parametrlari to'g’risida”gi 2018 yil 26 dekabrdagi PQ-4086-sonli qaroriga asosan Q'shilgan qiymat solig’ini hisoblab chiqarish va to'lashning umumbelgilangan( 20 %) va soddalashtirilgan tartibiga o'tgan soliq to'lovchilar uchun qo'shilgan qiymat solig’ining farqlangan stavkalari miqdorlari belgilandi. 2020 yilda Soliq kodeksiga asosan umumbelgilangan 15 % qo’shilgan qiymat solig’i stavkasi belgilandi.