Buxoro muhandislik texnologiya instituti

Kirish

Bugungi kunda sut mahsulotlari bozori O`zbekistonda eng tez rivojlanayotgan bozor segmentlari qatoriga kiradi. Nafaqat iste`molchilar soni va pul tushumi hajmi bo`yicha, balki yangi assortiment turlari bo`yicha ham. Sut mahsulotlari O`zbekiston bozorining istiqbolga egaligi 2000 yil mamlakat bozoriga SHveytsariyaning yirik «Nestle» kompaniyasi, shuningdek, qator Rossiyalik kompaniyalar kirib kelishidan ham ko`rinib turibdi.

Jahon standartidagi yangi texnologiyalarni qo`llash sut mahsulotlari bozori rivojlanishining muhim omiliga aylandi va bu sut mahsulotlariga talabning o`sishiga olib keldi. Xususan, sut mahsulotlari potentsial iste`molchilari o`rtasida o`tkazilgan so`rov natijalariga ko`ra respublika aholisining 85,7%i sut mahsulotlarini iste`mol qilar ekan. SHundan 40%i sut mahsulotlarini qadoqlangan holda, 45,7%i esa sut sotuvchilardan xarid qiladi. Buning sababi qilib tashqi muhitning ko`plab omillari ta`siridan tashqari sut mahsulotlari sifatini ham ko`rsatish mumkin. O`z navbatida, bu mahsulotning bozorda raqobatbardoshligini ta`minlash maqsadida mahsulot sifatini aniqlashning ahamiyati o`sishiga xizmat qiladi. Mahsulot sifatini aniqlash kompaniya mahsulotlariga xos bo`lgan xususiyatlarga ta`sir etuvchi eng ko`p ta`sir etuvchi xususiyatlariga asoslangan. Tahlil natijalari kompaniyalarga mahsulot sifatini oshirish bo`yicha harakatlarni rejalashtirish imkonini beradi. SHu munosabat bilan taqdim etilayotgan keys ahamiyatli hisoblanadi.