Buxoro muhandislik- texnologiya instituti

O’ZBEKISTON RESPUBLIKASI OLIY VA O`RTA MAXSUS TA`LIM VAZIRLIGI
BUXORO MUHANDISLIK- TEXNOLOGIYA INSTITUTI
.

“MENEJMENT” KAFEDRASI

«MARKETING ASOSLARI»
FANIDAN
MA`RUZA MATNI

Bilim sohasi:	200 000 - Ijtimoiy soha, iqtisod va huquq
Ta’lim sohasi:	230000 - Iqtisod
Ta’lim yo’nalishi:	5230400 – Marketing (tarmoqlar va sohalar bo`yicha)

BUXORO-2020


MUNDARIJА

	1-modul. Marketing tushunchasi va marketing jarayoni
1.	Marketingning asosiy tushunchalari
2.	Marketingning mohiyati va maqsadi
	2-modul. Marketing kontseptsiyasi
3.	Marketing nazariyasi va uning evolyutsiyasi
4.	Marketing majmui
	3-modul. Marketing muhiti
5.	Marketing mikromuhiti
6.	Marketing makromuhiti
	4-modul. Iste`molchi va biznes - xaridorlar xulq - atvorini o`rganish
7.	Iste`molchi xulq - atvorini o`rganish
8.	Xaridorga ta`sir etuvchi omillar
	5-modul. Marketing axboroti
9.	Marketingda axborot tizimi
10.	Marketingda axborot to’plash usullari
	6-modul. Tovar va xizmatlar: iste`mol qiymatini oshirish
11.	Tovarlarni marketingcha tavsiflash
12.	Tovarlarning tasniflanishi
	7-modul. Reklama faoliyati
13.	Reklama - marketing kommunikatsiyasi vositasi
14.	Reklamaning mohiyati, vazifalari va turlari
15.	Korxonada reklama faoliyatini tashkil etish
	8-modul. Chakana savdo va ulgurji savdo
16.	Chakana savdo va uning turlari
17.	Ulgurji savdo va uning turlari

1-MAVZU. MARKETINGNING ASOSIY TUSHUNCHALARI

1.1. Iste’molchilarning ehtiyojlari, istaklari va talablarini o‘rganish
1.2. Bozor va bozor turlarini o‘rganish
1.3. Marketingning mohiyati


1.1. Iste’molchilarning ehtiyojlari, istaklari va talablarini o‘rganish
Talab bilan taklifni o’zaro ta’siri - bu alohida shaxslar yoki guruhning xohish-ehtiyojlarini uzluksiz qondirish jarayoni bo’lib hisoblanadi. Bu jarayon o’z navbatida shunday ijtimoiy-iqtisodiy kategoriyalarni o’zaro ta’siriga asoslanadi, ya’ni ularga muhtojlik, ehtiyoj (xohish), talab, xarid qilish (ayirboshlash, bitim) va aniq tovar va xizmatlarni iste’moli (ishlatilishi) kiradi.
Bu tushunchalar marketing tushunchasi, mohiyatini aniqlashga imkon beradi.¹
Zarurat – kishini biron bir narsani etishmasligini his etishidir.
Ehtiyoj – individ shaxsning madaniy darajasiga asosan maxsus shakldagi muhtojlikdir.
Ehtiyojlar marketing faoliyati ob`yekti hisoblanadi. Ehtiyojlar taraqqiyotni ta`minlaydi, chunki ularning ko'payishi va kengayishi natijasida ishlab chiqarish ham rivojlanadi. Ishlab chiqarish va turmush darajasining o'sishi jamiyatning rivojlanishiga olib keladi.
Har bir iste`molchi turli ehtiyojlarga ega. Bu ehtiyojlar iste`molchining shaxsiy xususiyatlaridan, hayot tarzi, nufuzi, jamiyatning rivojlanish darajasi va boshqa bir qancha omillarga bog'liq.