Buxoro davlat universitetining Pedagogika instituti Pedagogik ta’lim fakulteti San’atshunoslik kafedrasi 2021-yil noyabr oyida o’tkazilgan ma’naviy – marifiy tadbirlar hisoboti

Buxoro davlat universitetining Pedagogika instituti
Pedagogik ta’lim fakulteti San’atshunoslik kafedrasi 2021-yil noyabr oyida o’tkazilgan ma’naviy – marifiy tadbirlar hisoboti

Buxoro davlat universiteti huzuridagi Pedagogika instituti “San’atshunoslik” kafedrasining professor- o’qituvchilari talabalar turar joyida istiqomat qiluvchi talabalar ishtirokida ijodiy kecha 2021-yilning 3-noyabr kuni tashkil qilindi. Ijodiy kechani “San’atshunoslik” kafedrasi mudiri J.T. Yarashev ochib berdilar. Ma'lumki, davlat rahbari ijtimoiy, ma'naviy-ma'rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbusni ilgari surgan edi. Birinchi tashabbus yoshlarning musiqa, rassomlik, adabiyot, teatr va san'atning boshqa turlariga qiziqishlarini oshirishga, iste'dodini yuzaga chiqarishga xizmat qiladi. Badiiy kecha davomida musiqa ta’limi yo’nalishi talabalari tomonidan jonli ijroda kuylar tinglandi. Tasviriy san’at va muhandislik grafikasi ta’lim yo’nalishi talabalari tomonidan chizilgan rangtasvir va qalamtasvir ishlari namoyish etildi.

Bundan tashqari 17 noyabr – Xalqaro talabalar kuni hamda 18 noyabr O‘zbekiston Respublikasi Davlat bayrog‘i qabul qilingan kunga atab talabalar o‘rtasida plokatlar tanlovi tashkil etildi. Tasviriy san’at va muhandislik grafikasi ta’lim yo‘nalishi talabalari ushbu tanlovda faol qatnashib, o‘z ijod namunalarini taqdim etdilar. Barcha ijodiy ishlar ko‘rgazmasi tashkil etildi.

Joriy yilning 17-noyabr kuni San’atshunoslik kafedrasi musiqa ta’limi yo‘nalishi 1-1 Muz 21 va 1-2 Muz guruh talabalari “Talabalar kuni” munosabati bilan tadbir o‘tkazishdi. Tadbirni boshlovchilar chiroyli she’rlar bilan ochib berishdi. Talabalar o‘zlarining chiroyli kuy qo‘shiqlari va sahna ko‘rinishlari bilan mehmonlarni bahramand etdilar. Mazkur tadbirda universitet jamoasi faol ishtirok etdi. Talabalar kuniga bag‘ishlangan bayrami munosabati bilan tashkil qilingan tadbir barcha yig‘ilganlar qalbida iliq taassurot qoldirdi.