Buxoro davlat universiteti tarix fakulteti tarix kafedrasi

O’quv fanining maqsadi va vazifalari
Fanni o’qitishdan maqsad – respublika oliy ta’lim muassasalari tarix fakultetlari talabalariga, bo’lajak tarixchi va arxivshunoslarga elektron arxivlar tuzish, kompyuter texnikasi yordamida elektron shakllad hujjatlar tuzish qoidalarini o’rgatadi.
Fanning vazifasi – talabalarga fanni o’qitish jarayonida elektron arxiv tushunchasi, elektron hujjatlarni tuzish, ulardan foydalanish yo’llarini o’rgatishga, hujjatlarni qidirib topish, elektron katalogdan foydalanish, ma’lumotlarni saqlash yo’llari va vositalari haqida ma’lumotlar berish.


Fan bo’yicha talabalarning bilimiga, ko’nikma va malakasiga
qo’yiladigan talablar
Elektron arxiv asoslari o’quv fanini o’zlashtirish jarayonida amalga oshiriladigan masalalar doirasida bakalavr:
- mustaqillik yillarida arxiv ishi rivojlanish tendenstiyalarini; elektron arxiv hujjatlari bilan ishlash va hujjatlarni saqlash uchun aniq sharoitlar va arxiv binolarini tanlash usullarini bilishi kerak.
- talaba elektron hujjat tushunchasi, uni yaratish, saqlash, qidiruv tizimini ishlab chiqish kabi qo’nikmalarga ega bo’lishi kerak.
- talaba korxona, tashkilot, muassasa ish yuritish va arxiv hujjatlari elektron shaklida qabul qilish yoki elektron omilga o’tqazish, ulardan ijtimoiy-iqtisodiy so’rovnomalarni bajarishda samarali foydalana olish malakalariga ega bo’lishi kerak.


Fanning o’quv rejasidagi boshqa fanlar bilan o’zaro bog’liqligi va uslubiy jihatdan uzviy ketma-ketligi
Elektron arxiv asoslari fani asosiy ixtisoslik fani hisoblanib, 7-semestrda o’qitiladi. Dasturni amalga oshirish o’quv rejasida rejalashtirilgan gumanitar va ijtimoiy-iqtisodiy fanlar (Huquqshunoslik, O’zbekiston Respublikasi Konstitustiyasi, falsafa, iqtisodiyot nazariyasi, Milliy g’oya: asosiy tushuncha va tamoyillar), Tarixiy (O’zbekiston tarixi, Jahon (umumiy) tarixi, Manbashunoslik va tarixshunoslik) va ixtisoslik (Zamonaviy davlat ish yuritish nazariyasi va amaliyoti, boshqaruvni me’yoriy hujjatlar bilan ta’minlash, Arxivlarning umumiy tarixi va hozirgi zamon etakchi arxivlari, Davlat, nodavlat, tashkilotlar arxivlari, Arxiv evristikasi, Arxiv huquqi va h.k.) fanlaridan etarli bilim va ko’nikmalarga ega bo’lishlik talab etiladi.