Buxoro davlat universiteti tarix fakulteti tarix kafedrasi

Mavzuning maqsadi va vazifalari: Janubi-Sharqiy Osiyo mamlakatlarida yashab kelayotgan turli millat va elatlarning qadimgi va o'rta asrlardagi turli urug'-qabilalari va ularning etnos bo'lib shakllanish jarayonini, milliy-etnik tarkibini, o'rganilayotgan davrdagi joylashuvini etnologik nuqtai-nazardan o'rganish ushbu mavzuning asosiy maqsadidir.

Bitiruv-malakaviy ishning birinchi bobida Qadimgi Malayya arxipelagi xalqlarining qadimgi va o'rta asrlardagi geografik joylashuvi davlatchilik tarixi, xususan, Indoneziya, Malayziya, Filippin xalqlari haqidagi masalalar yoritiladi. Shuningdek, qadimgi xalqlarining etnik tarixi va taraqqiyot, davlatchilik bosqichlari to'g'risidagi ma'lumotlar ilmiy manbalar asosida bayon etilgan.

Tadqiqotning ikkinchi bobida Janubi-Sharqiy Osiyo xalqlarining, jumladan, hindixitoy yarim oroli xalqlari unda, qadimgi Vetnam, Birma, Tailand, Kambodja hamda Laosda tashkil topgan ilk sinfiy jamiyat va davlatlar to'g'risidagi malumotlar, shuningdek, ushbu bobning ikkinchi bandida butun Janubi-Sharqiy Osiyo mintaqasidagi xalqlarning qadimgi ibtidoiy e'tiqodlari hamda keyinchalik tarixiy omillar orqali kirib kelgan dunyo dinlarining tarqalishi jarayonlari batavsil ochib beriladi.