Buxoro davlat universiteti tabiiy fanlar fakulteti ekologiya kafedrasi

Buze    lolasi  -  Tyulpan  Buze. 

O‘zbekistonda  o‘sadigan  kamyob,  endem 

o‘simlik.  Buyi  15-40  sm  ga  etadigan,  ko‘p  yillik  piyozli  o‘t.  Piyozi  tuxumsimon, 

dametri 1,5 sm ga etadi, qo‘ng‘ir qobiqli, barglari 2 ta keng tarvaqaylagan, Gullari 

1-6 ta, oq, tubi sariq. Changchi iplari sarik, kengaygan pastki qismi qalin tuklardan 

tashkil  qilgan  halqachaga  ega.  Changdonlari  sariq  yoki  yuqori  qismi  bir  oz 

binafsha rangli. Aprelda gullab, may-iyunda mevasi etiladi. Orol dengizi atrofidagi 

cho‘llarda  va  Qizilqumda  tarqalgan  (Buxoro  viloyati,  Qoraqalpog‘iston). 

Qozog‘iston va Turkmanistonda ham uchraydi. Qumli va soz tuproqli tekisliklarda 

hamda  tog‘  etaklarida  o‘sadi.  Tabiatda  yakka-yakka  holda  uchraydi.  Urug‘idan 

ko‘payadi.  Bahorda  chorva  mollarining  boqilishi  hamda  gullarining  uzib  va 

piyozlarining qazib  olinishi tufayli kamayib bormoqda. O‘zbekiston Respublikasi  

FA  Botanika  bog‘ida  1962-  yildan  buyon  ekib  o‘stiriladi.  Qizil  kitobga  kiritilgan. 

Tabiatda  o‘sib  turgan  joylarini  nazoratga  olish  va  chorva  mollarini  boqishni 

tartibga solish lozim.