Buxoro davlat universiteti tabiiy fanlar fakulteti ekologiya kafedrasi

Kindikchali karrak– Kuziniya pupochkovaya-Cousinia umbikicata Juz. 

Qizilqumdagi  endem  o‘simlik.  Poyasining  buyi  60  sm  gacha  etadigan,  deyarli 

asosidan shoxlanuvchi, shoxchalari  yakka  boshchali, tup  gullari  yoyiq, ko‘p  yillik 

o‘t. Barglarining ustki tomoni yashil rangli, chalkash tukli, yo‘g‘on tomirli, pastki 

tomoni  kulrang  qalin  tukli.  Yopirma  barglari  cho‘ziq  –  nashtarsimon,  patsimon 

bo‘lingan,  bandli,  bandining  asosi  bir  oz  kengaygan,  oqish  qalin  tukli.  Poyadagi 

barglari  bandsiz  keng  nashtarsimon,  siyrak  nishsimon  tikanli.  Savatchasi  keng 

silindrsimon. Toji sariq. Urug‘i deyarli to‘rt qirrali, kulrang. Iyun – avgust oylarida 

gullab,  avgust  –  sentyabrda    mevasi    etiladi.  Qizilqumdagi  qoldiq,  tepaliklarda 

(qing‘irtog‘,  etimtog‘  va  oqtog‘lar)  da  tarqalgan  (Buxoro,  Navoiy  viloyatlari). 

Qoldiq tepaliklardagi toshli, tosh-shag‘alli yonbag‘irlarda o‘sadi. Tabiatda yakka – 

yakka  holda  tarqaladi.  Bu  tur  alohida  tuproq,  sharoitiga  moslashganligi  uchun 

kamayib bormoqda. 1964  yili O‘zbekiston Respublikasi  FA  Botanika  institutining 

Qizilqumdagi  tajriba  stansiyasida  ekilib  o‘stirilgan.  O‘sib  chiqqan  nihollar  shu 

yilning  o‘zidayoq    qurib  qolgan.  Maxsus    muhofaza    tadbirlari    ishlab  

chiqilmagan.