Buxoro davlat universiteti tabiiy fanlar fakulteti ekologiya kafedrasi

Matey  qandimi  -  kandыm  matteya.   

Qizilqumda  kichik  maydonda 

tarqalgan  kamyob,  endemik  o‘simlik.  Buyi  70-150  sm  balandlikdagi  bir  oz  egri-

bugri  tirsaksimon.  Shoxlangan  buta,  guli  pushti,  Gulqo‘rg‘oni  mevalayotganda 

pastga  qarab  egiladi.  Mevasi  deyarli  sharsimon,  eni  15-20  mm,  och-sariq  yoki 

qizg‘ish. Dag‘al tuklarining  uzunligi 5-7 mm, 8 qator bo‘lib joylashgan, ingichka, 

yumshoq,  egiluvchan.  Yongoqchasi    dag‘al    tuklar  orasida  joylashgan  uchun 

deyarli  ko‘rinmaydi, uzunligi 7-12 mm, 90 darajada burilgan.  Aprel oyida gullab, 

may-iyunda  mevalaydi.  Qizilqum  (Dengizko‘l  atroflarida)  tarqalgan  (Buxoro 

viloyati).  Mustahkamlangan  qum  uyumlarida  o‘sadi.  Kichik  maydonlarda  juda 

kam  tarqalgan.  Ob-havo  qulay  kelgan  yillari  urug‘idan  chiqqan    nihollarni 

uchratish  mumkin.  Bu  tur  tarqalgan  yerlarda  muttasil  chorva  mollari  boqiladi. 

Shuningdek,  undan  o‘tin  sifatida  foydalanish  o‘simlikka  salbiy  ta’sir  ko‘rsatadi. 

Maxsus  muhofaza  tadbirlari  ishlab  chiqilmagan.  Chorva  mollari  boqilishini    va 

o‘tin sifatida foydalanishni taqiqlash  kerak.