Buxoro davlat universiteti «iqtisodiyot nazariyasi»

2.3-rasm

2013 yil mobaynida korxonalarni modernizatsiya qilish, texnik va texnologik jihatdan qayta jihozlash maqsadlariga tijorat banklari tomonidan jami 7,2 trln. so’m yoki 2012 yildagiga nisbatan 1,2 barobardan ziyodga ko’p investitsion kreditlar ajratildi (2.4-rasm).

SHuningdek, eksport qiluvchi korxonalarni qo’llab-quvvatlash maqsadida ularni aylanma mablag’larini to’ldirishga imtiyozli shartlarda 12 oy muddatga 585,5 mlrd. so’m miqdorida kreditlar ajratildi.

Kichik biznes va xususiy tadbirkorlik sub’ektlarini moliyaviy qo’llab- quvvatlash borasida amalga oshirilgan ishlar

O’zbekiston Respublikasi Prezidentining 2012 yil 18 iyuldagi

«Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari to’g’risida»gi PF-4455-sonli va 2011 yil 24 avgustdagi «Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qo’shimcha chora-tadbirlar to’g’risida»gi PF-4354-sonli farmonlari va 2011 yil 11 martdagi «Kichik biznes va xususiy tadbirkorlik sub’ektlariga kredit berishni ko’paytirishga oid qo’shimcha

chora-tadbirlar to’g’risida»gi PQ-1501-sonli Qarori bilan kichik biznes va xususiy tadbirkorlik sub’ektlari faoliyatining yanada erkinlashtirilishi hamda ular uchun yaratilgan imtiyoz va qulayliklar, sohaning yanada rivojlanishiga va natijada ushbu sektor sub’ektlari tomonidan bank xizmatlari va kreditlariga talabning oshishiga imkon bermoqda.