Buxoro davlat universiteti «iqtisodiyot nazariyasi»

млрд. сўм
2.4-rasm

Xususan, O’zbekiston Respublikasi Prezidentining 2012 yil 16 iyuldagi PF- 4453-sonli Farmoni talablaridan kelib chiqib, xo’jalik yurituvchi sub’ektlar muayyan hisobotlarni soliq va statistika organlariga yilda bir marta taqdim etishini inobatga olgan holda tijorat banklari tomonidan kredit mablag’lari ajratilishi jarayonida yangi tashkil etilgan tadbirkorlik sub’ektlari uchun qo’shimcha ravishda moliyaviy hisobotlar taqdim etilishi bekor qilindi.

SHu bilan bir qatorda, kredit olish yuzasidan arizalarni elektron tizim orqali qabul qilish amaliyotini yo’lga qo’yish imkoniyati yaratildi.

O’zbekiston Respublikasi Prezidentining 2013 yil avgustdagi «Kichik biznes va xususiy tadbirkorlik sub’ektlarining eksportini qo’llab-quvvatlash borasidagi qo’shimcha chora-tadbirlar to’g’risida»gi PQ-2022-sonli Qaroriga muvofiq, Tashqi iqtisodiy faoliyat milliy banki huzurida respublika mintaqalarida hududiy filiallari

bo’lgan «Kichik biznes va xususiy tadbirkorlik sub’ektlarining eksportini qo’llab- quvvatlash jamg’armasi» tashkil etildi.

Ushbu Jamg’armaning asosiy vazifasi kichik biznes va xususiy tadbirkorlik sub’ektlarining eksport salohiyatini yanada kengaytirish, ularga zamonaviy, chet el bozorlarida raqobatdosh mahsulot ishlab chiqarishni ko’paytirishda va uni eksport- ga chiqarishda zarur huquqiy, moliyaviy va tashkiliy yordam ko’rsatishdan iborat bo’lib, o’tgan qisqa davrdagi faoliyati davomida Jamg’arma tomonidan 153 ta tadbirkorlik sub’ektiga umumiy qiymati 56 mln. dollardan ziyod bo’lgan eksport shartnomalarini tuzishda amaliy yordam ko’rsatildi.

SHu bilan birga, mazkur qaror asosida kichik biznes va xususiy tadbirkorlik sub’ektlariga tovarlar va xizmatlar uchun to’lovlarni oldingi 60 kun o’rniga 180 kun mobaynida kelib tushish sharti bilan xorijiy valyutaga eksport qilish huquqi berildi.

Amalga oshirilgan keng ko’lamli chora-tadbirlar natijasida, 2013 yil davomida tijorat banklari tomonidan kichik biznes va xususiy tadbirkorlik sub’ektlarini moliyaviy qo’llab-quvvatlash uchun qariyb 7 trln. so’m miqdorida yoki 2012 yilga nisbatan 1,3 baravarga ko’p kreditlar ajratildi.

SHu jumladan, ajratilgan mikrokreditlar hajmi 1 366 mlrd. so’mdan ziyodni tashkil etib, mazkur ko’rsatkichning ham 2012 yilga nisbatan 1,3 barobarga o’sishi ta’minlandi (2.5-rasm).

Kichik biznes va xususiy tadbirkorlik sub’ektlarining loyihalarini moliyalashtirish maqsadida xalqaro moliya institutlari va xorijiy mamlakatlar hukumatlarining kredit liniyalari va grantlari hisobidan 145,4 mln. dollar miqdorida kredit mablag’lari ajratildi.