Buxoro davlat universiteti ijtimoiy- iqtisodiy fakulteti psixologiya ta

Muammoning o‘rganilganlik darajasi. Sotsial intellekt muammosi haqida dunyodagi ilg‘or psixologiya maktablari vakillari tomonidan talaygina izlanishlar olib borilganligini alohida qayd etish mumkin.

Sotsial intellektning tabiatini yoritishda biz intellekt bo‘yicha mavjud psixologik yondashuvlarning umumiy holatini tahlil etib o‘tishni maqsadga muvofiq deb hisoblaymiz. Bugungi kunga qadar mavjud ilmiy yondashuvlarning quyidagi tartibda intellekt yondashuvlari sifatida e’tirof etish mumkin.

Demak, sotsial intellekt muammosi psixologiyada bir necha jabhalarda o‘rganilgan bo‘lib, ularda sotsial intellektning umumiy tabiati, atamaning fanda qo‘llanilishi va ayrim faoliyat yo‘nalishlari chegarasidagina tadqiq etilganligini ko‘rish mumkin. Shunday bo‘lsa-da, mazkur muammo bo‘yicha yetarli darajada ilmiy tadqiqotlar olib borilmaganligini e’tirof etish mumkin. Jumladan:

1. Sotsial intellekt − o‘qituvchi kasbiy kompetentligini ta’minlovchi muhim omil sifatida alohida tadqiq qilinmagan.

2. O‘qituvchi faoliyatida yaqqol namoyon bo‘luvchi, ayni paytda shaxsiy va kasbiy kamolot uyg‘unligini ta’minlashga xizmat qiluvchi sotsial intellekt omillari ko‘rsatkichlari va ular orasidagi korrelyatsion munosabatlar haligacha empirik jihatdan tahlil etilmagan.

3. Uzluksiz ta’lim tizimida (ta’limning turli bosqichlarida) faoliyat yurituvchi o‘qituvchilarning kasbiy samaradorligini bevosita ta’minlovchi sotsial intellekt omillari va mazkur omillarni izohlovchi ko‘rsatkichlar o‘rtacha-umumiy va qiyosiy-tipik jihatdan o‘rganilib, rivojlanib borayotgan bugungi ta’lim taraqqiyoti talablariga mos ravishda tadqiq qilinmagan.

Yuqoridagi ilmiy kemtikliklarni to‘ldirish maqsadida mazkur tadqiqot ishi shakllantirildi.