Buxoro davlat universiteti biologiya kafedrasi embriologiya va gistologiya

2-tajriba.  Oddiy  tarmoqlangan  naysimon  bezlar  (me’daning  pilorik 
qismidan tayyorlangan). Preparatda me‘daning chiqish qismini qoplovchi epiteliy 
ostidagi  biriktiruvchi  tóqima  tarkibida  tarmoqlangan  naysimon  bezlarning 
bóylama,  kóndalangiga  va  qiyasiga  kesilgan  bez  tanalari  kórinadi.  Biriktiruvchi 
tóqima  bezlarni  bir-biridan  ajratib  turadi.  Bezlar  alohida-alohida  bólib,  siyrak 
joylashadi.  Bezning  oxirgi  bólimlari  yaxshi  tarmoqlangan,  katta  bólib,  kengayish 
bilan tugaydi. 
Hujayra  sitoplazmasi  oqish  kórinib,  yassilangan  yadro  esa  binafsha  rangga 
bóyalgan  holda  hujayraning  tubida  joylashadi.  Bu  hujayralar  orasida  oraliq 
hujayralar  ham  yotadi.
  Bez kesmasini maxsus bóyoqlar bilan bóyaganda argirofil 
hujayralar  kóp  joylashganini  kóramiz.  Preparatda  bez  naylari  turli  yónalishda 
kesilganligi sababli kesmalar shakli turlicha bóladi. Odatda bez naylari oxirgi qism 
bilan  tutashgan  bóladi.  Bez  nayining  bóylamasiga  kesilgan  shaklini  topib 
órganamiz.  Nay  devori bir qavatli  tsilindirsimon  epiteliydan tuzilgan. Naylarning 
me‘da shilliq pardasi chuqurchasiga ochilganligi kórinadi. Shunday qilib, bezning 
chiqaruv  yóliga  bir  qancha  sekretor  bólimlar  ochilsa,  buni  tarmoqlangan  bez 
deyiladi.  Bez  óz  mahsulotini  nay  orqali  me‘da  shilliq  pardasi  sathiga  chiqarib 
turadi. Shuning uchun ham bu bezni ekzokrin bezlar qatoriga kiritiladi. 
Topshiriq: Mikroskopda kórib órganilgan preparatlardagi tóqimalar rasmini 
albomga chizish, ularni izohlash va ma‘lum kónikmaga ega bólish.