Buxoro davlat universiteti biologiya kafedrasi embriologiya va gistologiya

Laboratoriya  stoli.  Bu  stolda  ob‘ektlar  saqlanadigan  bankalar,  kerakli 
reaktivlar  solinadigan  shishalar,  quyg'ich,  tsilindr  kabi  asboblar  qo'yiladigan 
polkalar  bo'lishi  lozim.  Stol  usti  qalin  oyna  bilan  qoplangan  bo'lishi  kerak. 
Laboratoriya stoli xonaning yorug' joyiga qo'yilishi zarur. (1-rasm) 
 
1-rasm. Laboratoriya xonasi. 
Laboratoriya  idishlari.  Idishlar  soni  turli  gistologik  tajribalar  o'tkazish 
uchun etarli miqdorda bo'lishi kerak. Bunda distillangan suv uchun 2-3 litrli idish 
ham bo'lishi lozim. Idishning ostida rezinka nay o'tkazilgan jo'mragi bo'lishi kerak. 
Rezinka  nayda  suvni  oqizish  va  to'xtatish  uchun  qisqich  bo'ladi.  Gistologik 

---

ob‘ektlarni konservlash uchun og'zi keng bankalar, tezda parlanadigan moddalarni 
(reaktiv  eritmalar,  spirt,  efir,  atsiton,  ammiaklar)  saqlash  uchun  og'zi  zich 
yopiladigan shisha idishlar bo'lishi kerak. Ob‘ektlarni yuvish, chayish uchun turli 
jomchalardan  foydalaniladi.  Gistologik  kesmalarni  ishlashda  turli  hajmdagi 
byukslar,  biologik  stakanlar,  Petri  va  Kox  idishlari,  soat  oynalari,  shisha 
quyg'ichlar, tsilindrlar, menzurkalar, pipetkalar, tomizg'ichlar ishlatiladi.Shu bilan 
birga  predmet  (buyum)  va  yopg'ich  shishalar  doimo  zapas  bo'lishi  kerak  (odatda 
buyum shishaning qalinligi 1-2 mm, uzunligi 76, eni 26 mm bo'ladi).