Buxoro – 2022 O`zbekiston respublikasi oliy va o`rta maxsus ta`lim vazirligi

Texnologik uskunalarni tanlash

Jihozni tanlash bilan bir vaqtda moslama, keskich va o’lchagich asboblar tanlanadi. Uskunalarni tanlashda ishlab chiqarish turi, buyumnmng ko’rinishi uni chiqarish dasturi, belgilangan texnologiya xarakteri, mavjud standart uskunalarni qo’llsh imkoniyatlari hisobga olinishi lozim.

Moslamalarni tanlash deyarli detallarni chiqarish dasturiga bog’liq.
Yakka va mayda seriyali ishlab chiqarishda universal tipdagi moslamalar (qisqich, kuloqchali patronlar, bo’luvchi kallaklar va boshq.), seriyalida – universal qayta sozlanuvchi moslamalar va guruhlab ishlov berish uchun moslamalar, ommaviy ishlab chiqarishda esa unumdorligi yuqori bo’lgan tanavorni ishlov berishdan avval o’rnatish va mahkamlash, amal tugagandan keyin tushirish vaqtini keskin kamaytirish imkoniyatini beruvchi maxsus moslamalarni qo’llash o’zini iqtisodiy jixatdan oqlaydi. Agar ishlov berish aniqlik talabini qoniqtirishi mumkin bo’lgan ikkita standart yoki normallashtirilgan moslamalarni qo’llash imkoniyati tug’ulsa, tanlash iqtisodiy hisoblash bilan asoslanadi. Texnik-iqtisodiy asoslash maxsus moslama konstruktsiyasini loyihalashda ham zarur.
Кeskich asbobni tanlash ishlov berish usulini, ishlanuvchi detalning materialini, uning o’lchamlari va shaklini, ishlanuvchi sirtning sifatini, detallarni chiqarish dasturini hisobga olib amalga oshiriladi. Кeskich asbobni tanlashda birinchi navbatda standart asbobni qo’llashga harakat qilinadi, biroq alohida amallarni bajarishda, ayniqsa seriyali va ommaviy ishlab chiqarish sharoitida, maxsus asbob ko’zda tutiladi. Asbobning kesuvchi qismiga yuqori tezlikda kesishni ta’minlovchi qattiq qotishmalar ishlatiladi. Pardozlov amallarini bajarishda olmosli yoki uning o’rnini bosuvchi sintetik olmoslar keng qo’llanilmoqda. Ular ko’pincha rangli metallar yoki ularning qotishmalariga (bronzalarga, latunlarga, alyuminiy qotishmalariga va sh.o’.) pardozlov ishlovi berishda qo’llaniladi. Кeskich asboblarni qo’llash bilan bog’liq xarajatlar detal tannarxiga kiradi.