Buxgalteriya xisobi, iqtisodiy tahlil va audit

Xo’jalik subyektlarida buxgalteriya hisobi va tahlilni tashkil etish va uning oldiga qo‘yiladigan vazifalar.

O'zbekiston Respublikasi Moliya vazirligi huzuridagi byudjetdan tashqari Pensiya jamg'armasi O'zbekiston Respublikasi Prezidentinig O'zbekiston Respublikasi Prezidentining "Fuqarolarning pensiya ta'minoti tizimini yanada takomillashtirish chora-tadbirlari to'g'risida" 2009 yil 30 dekabrdagi. PF-4161-son Farmoni hamda O'zbekiston Respublikasi Prezidentining «O'zbekiston Respublikasi Moliya vazirligi huzuridagi byudjetdan tashqari Pensiya jamg'armasining tashkiliy tuzilmasini shakllantirish chora-tadbirlari to'g'risida» 2009 yil 30 dekabrdagi PQ-1252-son Qaroriga asosan tashkil etilgan bo'lib, uning asosiy vazifalari, ya'ni pensiyalar, ijtimoiy nafaqalar, kompensatsiya to'lovlari va boshqa to'lovlarni tayinlash, moliyalashtirish, hisobga olish va ularning to'lanishi monitoringini olib borish, ushbu maqsadlarga yo'naltiriladigan maqsadli moliyaviy resurslarni jamlash, shuningdek faoliyatni tashkil etishni amalga oshirish bo'yicha vazifalari, funktsiyalari va vakolatlari O'zbekiston Respublikasi Vazirlar Maxkamasining qarori bilan tasdiqlangan “O'zbekiston Respublikasi Moliya vazirligi huzuridagi byudjetdan tashqari Pensiya jamg'armasi to'g'risida”gi O'zbekiston Respublikasi Vazirlar Mahkamasining 19.02.2010 y. №30-sonli Nizomga muvofiq belgilab berilgan. Shuningdek, Nizomga muvofiq Jamg'arma idoraviy jihatdan O'zbekiston Respublikasi Moliya vazirligiga qarashli hamda o'z faoliyati to'g'risida O'zbekiston Respublikasi Moliya vaziriga, Jamg'armaning Kuzatuv kengashi raisiga hisob beradi. Byudjetdan tashqari Pensiya jamg'armasining ijro etuvchi apparati tuzilmasi, uning hududiy boshqarmalari va tuman (shahar) bo'limlarining namunaviy tuzilmalari O'zbekiston Respublikasi Prezidentining hujjatlari bilan tasdiqlanadi.

Jamg'armaning Kuzatuv kengashi Jamg'armani boshqarishning yuqori organi hisoblanadi, uning tarkibi O'zbekiston Respublikasi Prezidentining qarori bilan tasdiqlanadi. Jamg'arma Kuzatuv kengashining majlislari yil choragida kamida bir marta o'tkaziladi. Jamg'armaning ijro etuvchi apparati Kuzatuv kengashining ishchi organi hisoblanadi. Bundan tashqari, Nizomga muvofiq Jamg'armaning ijro etuvchi apparatiga Jamg'arma Kuzatuv kengashining taqdimnomasi bo'yicha, O'zbekiston Respublikasi Vazirlar Mahkamasining qaroriga (O'zbekiston Respublikasi Prezidenti roziligi bilan) ko'ra ijro etuvchi direktor lavozimga tayinlanadi.

Ijro etuvchi direktor quyidagilarga rahbarlik qiladi.

- Jamg'armaning Qoraqalpog'iston Respublikasi, viloyatlar va Toshkent shahridagi
boshqarmalari;
-Jamg'armaning tuman (shahar) bo'limlari.

Shuningdek, Jamg'arma ijro etuvchi apparatining, uning hududiy boshqarmalari, tuman (shahar) bo'limlari xizmatlari ta'minoti respublika byudjeti mablag'lari hisobiga amalga oshiriladi. Jamg'arma hamda uning hududiy boshqarmalari va tuman (shahar) bo'limlari yuridik shaxs hisoblanadi, mustaqil balansga, banklarda hisob raqamlariga, O'zbekiston Respublikasi Davlat gerbi tasviri tushirilgan muhrga, shuningdek tegishli muhr va shtamplarga ega hisoblanadi.