Buxgalteriya va audit

IV. AUDITORLIK TAShKILOTI IChKI STANDARTLARI TALABLARINING BAJARILIShI USTIDAN IChKI NAZORATNI TAShKIL ETISh TARTIBI
40. Ichki standartlar auditorlik tashkiloti rahbarining buyrug’i bilan tasdiqlanadi, agarda auditorlik tashkilotining ta’sis hujjatlarida ko’zda tutilgan hollarda — ta’sischilarning yig’ilishi yoki boshqa vakolatli organ tomonidan tasdiqlanadi.
41. Auditorlar ishining sifatini nazorat qilishni tartibga soluvchi ichki standartlar, ichki standartlar talablarini bajarilishi ustidan nazoratni amalga oshirish bo’yicha qoidalarni o’z ichiga olishi kerak.
42. Ichki standartlar, ichki standartlarning talablariga rioya etilishi uchun javobgar tegishli mansabdor shaxslarni tayinlashni nazarda tutishi mumkin.
43. Ichki standartlarga rioya etilishi ustidan tegishli nazoratni ta’minlash uchun ularning qo’llanilishi, auditorlik tashkiloti va auditorlar o’rtasidagi mehnat munosabatlarida nazarda tutgan holda auditorning funksional majburiyatlariga kirishi lozim.
44. Auditorlik tashkilotlari tomonidan auditni o’tkazishda bajarilishi majburiy bo’lgan ichki standartlar qoidalari belgilanishi mumkin. Bunda bajarilishi majburiy bo’lgan O’zbekiston Respublikasi Auditorlik faoliyatining milliy standartlari talablari hisobga olinishi kerak.
45. Ichki standartlar talablarining bajarilishi ustidan nazorat auditorlik tekshiruvlarini boshqarishning barcha darajalarida, guruh rahbarlari va tekshiruv rahbarlaridan boshlab auditorlik xulosasini imzolashga vakolat berilgan auditorlik tashkiloti rahbarlarigacha tashkil etilishi kerak.
46. Auditorlik tekshiruvlarini amalga oshirish davomida nazorat funksiyalarini bajarish uchun auditorlik tashkiloti tomonidan auditorlik tekshiruvlari o’tkazishning sifat nazorati xizmati tashkil etilishi mumkin. Auditorlik tekshiruvlari o’tkazishning sifat nazorati xizmati tarkibiga nazorat funksiyalarini bajaradigan mutaxassislarning professional tayyorgarligi darajasiga qo’yiladigan ichki talablar, auditorlik tashkilotining ta’lim va kadrlarni tayyorlash bo’yicha ichki standartlari bilan belgilanadi.
47. Auditorlik tashkilotlarining xodimlariga ichki standartlar mazmunini oshkor qilmaslik hamda qonun hujjatlarida ko’zda tutilgan hollardan tashqari, mazkur auditorlik tashkilotining faoliyatidan tashqarida ularni qo’llamaslik majburiyati yuklatiladi.

1^ Manba - Audit asoslari: o'quv qo'llanma / N. A. Bogdanova, M. A. Ryabova. - Ulyanovsk: UlSTU, 2009.