Buxgalteriya lit

Statistik  hisob.  Bu  hisob  xalq  xo‘jaligining  turli  tarmoqlarida  keng  ishlatilmoqda. 

Statistik  hisobning  o‘ziga  xos  xususiyati  shundaki,  bu  hisob  turida  amalga  oshirilgan 

kuzatish  to‘liq  bo‘ladi,  bu  hisob  turida  ko‘proq  bir  turli  xo‘jalik  jarayonlari  o‘rganiladi. 

Statistik hisob yordamida amalga oshirilgan xo‘jalik muammolarini guruhlash yoki sohaning 

iqtisodiy-ijtimoiy o‘zgarishini hisobga olish uchun asos yaratiladi. 

Statistik  hisobni  tashkil  qilishda,  yuritishda  ko‘proq  bir  turli  xo‘jalik  muammolariga 

alohida  e’tibor  beriladi.  Hisob  natijalarini  umumlashtirish,  asosan,  tasdiqlangan  hujjatlar 

yordamida amalga oshiriladi. 

Misol uchun, «Mehnat haqida hisobot» hujjat shaklini olaylik. Bu hisobot shakli, asosan, 

statistik  hisobot  hisoblanadi.  Unda  jami  xodimlar  soni,  ularga  sarf  qilingan  ish  haqi 

xarajatlarini ko‘rsatish bilan birga, unda ishchilarning jinslari bo‘yicha holati, ish haqi bilan 

bog‘liq  xarajatlar  manbalari,  hisobot  davrida  ishchilarga  berilgan  mukofotlar  turlari 

ko‘rsatiladi. 

Statistik  hisobda  aks  ettirilgan  ma’lumotlar  turli  o‘lchov  birliklarida  ko‘rsatilishi 

mumkin.  Bu  hisobning  o‘ziga  xos  xususiyatidan  yana  biri  hisobot  shakllari,  uni  tuzish  va 

topshirish  yo‘llari  davlat  organlari  tomonidan  ishlab  chiqiladi  va  tartibga  solinadi.  Hisob 

ko‘rsatkichlarini  umumlashtirishda  operativ  buxgalteriya  hisobi  ma’lumotlaridan 

foydalaniladi.