Burg`ilash erimtasini ishlatilish qisqacha tarixi va turlari

Kolokollar
Kolokol quduqda qolgan burg‘ilash, mustahkamlovchi va nasos kompressor quvurlarining tashqi qismidan tutib chiqarishga mo‘ljallangan. Kolokol orqali tutib chiqarilayotgan burg‘ilash quvurlar birikmasini aylantirish yoki yuqoriga pastga qimirlatish mumkin. Tuzilishi bo‘yicha kolokollar «K», «KS», «silliq» turli va vtulka tutkichli bo‘ladi.

9.3-rasm. K turdagi kolokolning umumiy ko‘rinishi.	9.4-rasm. KС turdagi kolokolning umumiy ko‘rinishi.

Yuqorida qayd etilgan kolokollarning asosiy xususiyatlari quyidagilardan iborat:

«K» turdagi kolokolning ichiga kirgan quvur undan yuqoriga o‘ta olmaydi, «KS» kolokol esa quduqda qolgan quvurni o‘zidan yuqoriga o‘tkazadi va pastdagi mufta yoki qulfdan tutadi.

Vtulka tutkichli kolokollar silindr shakldagi hamma predmetlarning tashqi tomonidan tutishga moslashgan.

Silliq kolokolning xususiyatlaridan biri – uning juda kam yuk ko‘tarish qobiliyati va undan chiqarilayotgan predmetlarning uzilib ketishining mumkinligi. Buni bartaraf qilish uchun quduqda qoldirilgan quvurlar birikmasining yuqori qismida qulf va mufta yaxshi saqlanishi uchun silliq kolokol bilan bir necha quvurlar burab chiqariladi. Bu esa quduqdan chiqarilayotgan quvurlar bilan yengil va ishonchli ulanishni ta’minlaydi. Silliq kolokollar konusligi 0⁰30¹-5⁰ bo‘lgan ichi silliq tutish yuzaga ega. Chiqarilayotgan quvurning yuzasi qanchalik qattiq bo‘lsa, konusligi Shuncha kam bo‘ladi. Hozir konusligi 0⁰40¹ dan 2⁰ gacha bo‘lgan kolokollar keng foydalaniladi. Silliq koloklollar 40XN, 45U, 200X va 15X markali po‘latdan tayyorlanadi. Olib qo‘yiladigan yasama vtulkali kolokol chiqariladigan predmetining o‘lchamiga qarab tayyorlanadi. Kolokollarning hamma konstruktsiyasi ikki xil tayyorlanadi. -o‘pqon (voronka) tagi uchun rezbali va rezbasiz. Undan tashqari o‘ng va so‘l rezbali kolokollar mavjud. O‘ng rezbali kolokol qolgan quvurlar birikmasini butunligicha, so‘l rezbali kolokol esa bo‘laklarga ajratib chiqarishga mo‘ljallangan. Silliq kolokol bilan tutish ishlarining tartibi: quduqga tushirilayotgan silliq kolokol chiqarilishi kerak bo‘lgan quvurga 3-5 m qolganda to‘htatiladi. Burg‘ilash eritmasining aylanishi tiklanadi va ularning parametrlari baravarlashtiriladi. Keyin minimal aylanish tashkil qilinadi. Silliq kolokol tushirilib unga chiqariladigan quvurlar kiritiladi. Keyin eritma bosimining oshishi kuzatiladi. Shundan keyin u 100 kN gacha yuklanib, quvurlarning tutilganligiga ishonch hosil qilish uchun burg‘ilash quvurlar birikmasini aylantirishga harakat qilinadi. Chiqariladigan quvurning tutilganligiga ishonch hosil qilingandan keyin yana 200-300 kN gacha yuklanadi yoki qoldirilgan quvurlar tez tashqariga chiqariladi.

Shlips - qulf, mufta va quvurning singan yoki uzilgan qismidan ushlab tashqariga chiqarishga mo‘ljallangan asbob.

Overshot - burg‘ilash quvurlari birikmasining qulfi yoki qulfi tagidan tutib tashqariga chiqarishga mo‘ljallangan moslama. Ular tutqichlar (metchik, kolokol) dan foydalanish imkoni bo‘lmagan hollarda qo‘llaniladi. Overshot – qalin devorli quvurdan tuzilgan korpusdan iborat. Ularning ichiga to‘rtta prujina joylashtirilgan. Prujinalarning Yuqori qismi burg‘ilash quvurlar o‘lchamiga moslashtirilib, overshot uchun mo‘ljallab egilgan bo‘ladi