Burg`ilash erimtasini ishlatilish qisqacha tarixi va turlari

Metchiklar
Metchiklar – quvurlar birikmasining ichki tomonidan ushlab tashqariga chiqarishga xizmat qiladi. (9.2 jadval).

Metchiklarning universal, mahsus va silliq turlari mavjud. (9.3 jadval)

Universal metchik mayda rezbali, maxsus metchik esa yirik rezbali bo‘ladi. Odatda, metchik diametri tutuvchi quvurning diametriga mos bo‘ladi. Katta diametrli quvurlarni tutish uchun Yo‘naltiruvchi voronkalar (o‘pqon) dan foydalaniladi.

Metchiklar OST 26-02-1274-75 bo‘yicha tayyorlanadi. MBU 20-45, MBU 22-54, MBU 32-73, MSZ-66, MSZ-73, MSZ-76, MSZ-66, MSZ-73, MSZ-76, MSZ-86, MSZ-88 turdagi metchiklarni tayyorlashda 12XN markali po‘latdan, qolganlari esa 20X markali po‘latdan foydalaniladi.

Metchiklarning bajaradigan ish vazifalariga qarab, o‘ng va so‘l rezbali turlari bo‘ladi.

O‘ng rezbali metchiklar quduqda qolgan burg‘ilash quvurlar birikmasini butunligicha, so‘l rezbali metchiklar esa burg‘ilash quvurlar birikmasini qismlarga ajratib chiqarishga moslashgan.

Tutish metchigi kesik konus shakliga ega bo‘lgan burg‘ilash quvurlar birikmasini tutgichlar bilan ko‘tara olmagan hollarda foydalaniladi.

Silliq metchik ichki qismi dumaloq va devor qalinligi 15 mm dan kam bo‘lmagan predmetlarni quduqdan chiqarish uchun qo‘llaniladi. Ular oddiy metchiklardan faqat tutgich rezbalarining yo‘qligi bilan farqlanadi. Silliq metchikning konusligi 0,30 dan 5⁰ gacha bo‘ladi. Tutilayotgan metall predmetning mustahkamlik guruhi qancha yuqori bo‘lsa, metchikning ishchi yuza konusligi shuncha kam bo‘ladi.

Masalan, Ye va K mustahkamlikka ega bo‘lgan quvurlar uchun metchikning konusligi 1⁰ gacha bo‘lishi maqsadga muvofiq.

Silliq metchiklar avariya quvuridan tutish va u bilan birga bir necha quvurlarni burab chiqarish uchun qo‘llaniladi. Bu esa burg‘ilash qulfining muftali qismiga ishonchli ulanishga imkon beradi. Silliq metchikning tutish ishlari oddiy metchiklarnikiga o‘xshash.

9.1-rasm. MBU va MEU turdagi metchiklarning umumiy ko‘rinishi

9.2-rasm. MSZ va MES turdagi metchiklarning umumiy ko‘rinishi