Bundan tashqari M. Sh. Ro‘ziyeva o‘qishning dastlabki kunlaridanoq guruhda yyetakchilik qila olish qobiliyatini namoyon qilganligi sababli, guruh sardori etib tayinlangan

O‘zbekiston Respublikasi oliy ta’lim muassasalari talabalari o‘rtasida o‘tkaziladigan Kamoliddin Behzod nomidagi davlat stependiyasining “Amaliy san’at (turlari bo‘yicha)” nomzod Qarshi davlat universiteti “San’atshunoslik” fakulteti Amaliy san’at “Badiiy kulolchilik” yo‘nalishi 3-bosqich 019-71-guruh talabasi Ro‘ziyeva Munisaxon Shuxrat qiziga
TAVSIYANOMA


Ro‘ziyeva Munisaxon Shuxrat qizi 1999-yil Qashqadaryo viloyati Qarshi shahrida tug‘ilgan va 2016-yilda O‘zbekiston Respublikasi Madaniyat va sport ishlari vazirligi Qarshi San’at kollejining “Milliy etnografik va badiiy liboslar dizayni" yo‘nalishini tamomlagan. 2019-yilda Qarshi davlat universiteti “Amaliy san’at badiiy kulolchilik” yo‘nalishining 1-bosqichiga davlat granti asosida o‘qishga qabul qilingan. Uning fanlarga bo‘lgan qiziqishi, ilm olishga bo‘lgan ishtiyoqi va intilishi, o‘z ustida tinimsiz ishlashi natijasida tez orada oliy ta’lim muassasasining o‘qituvchilari nazariga tushdi. U kamtarin va to‘g‘riso‘zligi, mehribonligi tufayli kursdoshlari hurmatiga sazovor bo‘ldi.
Bundan tashqari M.Sh.Ro‘ziyeva o‘qishning dastlabki kunlaridanoq guruhda yyetakchilik qila olish qobiliyatini namoyon qilganligi sababli, guruh sardori etib tayinlangan. Uning nomzodi guruh talabalari, guruh murabbiysi hamda dekanat tomonidan bir ovozdan ma’qullangan va hozirgi kungacha guruh sardori bo‘lib kelmoqda. M.Sh.Ro‘ziyeva universitetda olgan bilimi va amaliy ko‘nikmalarini mahsuli sifatida 2019-yildan boshlab o‘zining ilmiy ishlari va ijodiy ishlanmalari bilan xalqaro va respublika miqiyosida turli anjumanlarda, shuningdek ko‘plab xalqaro va respublika ko‘rik tanlovlarda faol ishtirok etib, sovrinli o‘rinlarni egallab kelmoqda. 2022-yilda o‘zining “Ijod quvonchi” nomli ilk shaxsiy ko‘rgazmasini o‘tkazgan.
M.Sh.Ro‘ziyeva 5 ta ilmiy maqolalar muallifidir, jumladan 4 tasi xalqaro konferensiyalarda chop etilgan. Hozirda ilmiy rahbari bilan “Badiiy kulolchilik” sohasidagi yo‘qolib borayotgan milliy qadriyatlarimizni tiklash va yosh avlodga o‘rnak bo‘la oladigan “Ustoz va shogird” an’analarini yo‘lga qo‘yish chora tadbirlarini amalga oshirmoqda.
M.Sh.Ro‘ziyeva o‘zining na’munali xulqi va bilimga chanqoqligi, jamoat ishlarida faolligi bilan tengdoshlariga na’muna bo‘lib, professor-o‘qituvchilar, talabalar orasida hurmat-e’tibor qozongan. Shu bilan birga u O‘zbektiston yoshlar ittofoqining faol a’zolaridan biridir. Xulosa qilib, shuni ta’kidlashim mumkinki, M.Sh.Ro‘ziyeva O‘zbekiston Respublikasining ravnaqi uchun sidqidildan xizmat qilishiga ishonch bildirgan holda uni Kamoliddin Behzod nomidagi davlat stependiyasining “Amaliy san’at (turlari bo‘yicha)” yo‘nalishi uchun tavsiya etaman.
San’atshunoslik kafedrasi mudiri: ___________ E.To‘rayev