Бухоро вилоят педагог кадрларни қайта тайёрлаш ва малакасини ошириш институти

Бухоро вилоят педагог кадрларни қайта
тайёрлаш ва малакасини ошириш институти

“Педагогика-психология, мактабгача ва бошланғич таълим” кафедраси

БУХОРО 2014
ТУЗУВЧИЛАР: У. А. Қосимов - ВПКҚТ ва МОИ педагогика-психология, мактабгача ва бошланғич таълим кафедрасининг мудири, п.ф.н. , кафедра ўқитувчиси М.Гадоева
Тақризчилар: “Ижтимоий фанлар “ кафедраси мудири Й.Ҳ.Ҳайдаров
Катта ўқитувчи М.С.Ҳасанова
Ушбу методик тавсия институт ўқитувчилари ва курс раҳбарлари ва малака ошириш курси тингловчилари учун тузилган бўлиб Бухоро вилоят педагог кадрларни қайта тайёрлаш ва малакасини ошириш институти илмий кенгашининг 2014 йил 28- декабрда ўтказилган 6- сонли йиғилиш қарорига мувофиқ фойдаланишга тавсия этилди.

Ўқувчиларнинг компетенцияларини шакллантиришда инновацион технологияларнинг ўрни ва аҳамияти.

Кенг маънода “Инновация” педагогик тизимга янгилик киритиш йўли билан таълим-тарбия жарёнини мақбуллаштириш, сифат ва самарадорлигини оширишни кўзда тутади. Педагогик тизимга киритилган янгилик сифат ва самарадорликка салбий таъсир қилиши ҳам мумкин. Биз тизимга унинг ички захира ва имкониятларини ҳисобга олган ҳолда сифат ва самарадорликни ошириш мақсадида киритилган янгиликларнигина инновация деб тушунамиз. Педагогик тизимни такомиллаштириб, юқори сифат ва самарадорликка эришишга оид ғоя,назария, қоида,шакл,методлар ва воситалар тизимини педагогик инновациялар сифатида қабул қилиш мумкин.Сўнгги 20-25 йил давомида педагогик тизимга кўплаб янгиликлар киритилаётганлигининг гувоҳи бўлиб турибмиз.Мисол сифатида янги концепциялар, инвестициялар, ДТС, тестлар, муқобил ўқув режалар, янги турдаги ўқув юртлари, технологиялар ва шу кабиларни кўрсатиш мумкин.

Ҳозирги кунда янги техника ва технологиянинг кириб келиши ҳам амалий ҳам назарий билимга эга бўлган махсус фанларни яхши ўзлаштирган малакали кадрларни етиштириш талаби асосида ўқувчиларга дарсларни ҳозирги даврда замон талабларига жавоб берадиган янги педагогик технологиялар асосида олиб бориладиган дарсларгина ўқувчиларга яхши билим беради.
Ўқувчиларга билим беришда замонавий таълим теҳнологияларининг аҳамияти тўғрисида сўз борганда таълим-тарбия тизимини сифат жиҳатидан бутунлай янги босқичга кўтариш диққатимиз марказида бўлиши даркор. Бу масала “Соғлом бола йили” Давлат дастурида ҳам асосий йўналишлардан бири сифатида эътироф этилган.
Хозирги замонавий таълим теҳнологияларининг ҳар бири ўзида ўқув машғулотини ўтказиш шарт-шароити тўғрисида аҳборот материалларини, педагогик мақсад, вазифа ва кўзланган натижаларни, ўқув машғулотнинг режаси, таълимнинг усул ва воситаларини мужассамлаштирган. Шунингдек ўқитувчи ва ўқувчининг мазкур ўқув машғулотида эришадиган мақсади бўйича ҳамкорликдаги фаолиятининг босқичма-босқич таърифланишини ҳам ўз ичига олади.
Ҳозирги кунда жаҳон тажрибасидан кўриниб турибдики, таълим жараёнига таълимнинг янги, замонавий усул ва воситалари кириб келмоқда ва улар ўқув машғулотларида кенг кўламда самарали фойдаланилмоқда. Жумладан, ўқувчиларнинг касбий кўникмаларини шакллантиришда инновацион ва замонавий педагогик ғоялар амалга оширилмоқда. Шу боис, ўқитувчи билим олишнинг ягона манбаи бўлиб қолиши керак эмас, балки ўқувчи мустақил ишлаш жараёнининг ташкилотчиси, маслаҳатчиси, ўқув жараёнининг фаол иштирокчиси бўлиши лозим. Замон талабларига жавоб берадиган фидоий изланувчан янгиликга интилувчан ташаббускор касбий билимларга эга кадрларни тайёрлаш бугунги куннинг долзарб масаласи ҳисобланади. Ўқувчиларннинг касбий кўникмаларини шакллантиришда инновацион технологияларининг ўрни хозирги кун мутахасиси замон билан ҳамнафас бўлмоғи лозим.
Таълим жараёнида ўқувчиларнинг касбий кўникмаларини шакллантиришда инновацион технологиялардан фойдаланиш ўқувчиларда зарур билим ва малакаларни ҳосил қилиш юксак инсоний фазилатларни шакллантиришда муҳим аҳмиятга эгадир. Машғулотларга оид дидактик, кўргазмалар, мултимедия, компьютер воситалари ва иноватцион технологиялардан фойдаланган ҳолда машғулотларни олиб бориш бу борада кутилган натижани беради.