Бухоро мусиқа фольклорининг тарихий- назарий ва амалий масалалари

ИЛМИЙ АНЖУМАННИНГ ТАШКИЛИЙ ҚЎМИТАСИ 
 
1. 
О.С. Қаҳҳоров 
- 
Илмий ишлар ва инновациялар бўйича проректор, раис; 
2. 
С.С.Азимов
- 
Санъатшунослик факультети декани, раис ўринбосари; 
3. 
Т.И.Ражабов
- 
Мусиқа таълими кафедраси мудири, п.ф.ф.д. (PhD) аъзо; 
4. 
Б.Х.Мадримов
- 
Мусиқа таълими кафедраси профессори, п.фн., аъзо 
5. 
Ф.Г.Нуруллаев
- 
Мусиқа таълими кафедраси доценти, аъзо 
6. 
И.А.Қўшаев
- 
Мусиқа таълими кафедраси аъзо катта ўқитувчиси, 
7. 
У.М.Миршаев
- 
Мусиқа таълими кафедраси ўқитувчиси, котиб 
8. 
Т.Дж.Мухамедов 
- 
Мусиқа таълими кафедраси ўқитувчиси, аъзо 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

---

4 
МИЛЛИЙ МЕРОСИМИЗ ВА БУХОРО МУСИҚА ФОЛЬКЛОРИ
О.Х.Хамидов,
БухДУ ректори, и.ф.д., профессор 
Бухоройи шариф азал-азалдан жаҳон тамаддунига таъсир кўрсатган маданият, 
санъат, фан, архитектура ва бадиий адабиёт марказларидан бири сифатида маълум 
ва машҳурдир. Бу юрт азиз авлиёлар, олиму уламоларни етиштирган азиз гўшадир.
Бинобарин, шашмақомга ватан бўлган Бухорода санъатнинг деярли барча турлари 
ривож топди. Шулар қаторида бебаҳо хазина деб аталган халқ оғзаки ижодининг 
муҳим таркибий қисми бўлган Бухоро мусиқа фольклорининг ҳаётбахш 
анъаналари ҳозирга қадар сайқал топиб, жилоланиб, яшаб келмоқда. Ниҳоятда 
қадимий ва лирик жанрларга бой бўлган санъатнинг бу тури кўп асрлик тарихий 
тараққиёт йўлини босиб ўтди. Бинобарин, Бухоро тўй маросимларида 
куйланадиган ёр-ёр, ўлан, келинсалом қўшиқлари умрбоқий мазмунга эга 
эканлигини алоҳида қайд этиш лозим. Қолаверса, Бухоро мусиқа фольклорининг 
яна бир муҳим хусусияти шундаки, улар икки тилли заминда яратилган ва даврлар 
оша ўзгармай, тиллардан тилларга, диллардан дилларга кўчиб, куйланиб 
келинмоқда. Шу жиҳатдан бу кўҳна мерос зуллисонайнлик анъанасини ўзида 
ифода этади.
Ҳозирги замон илм-фан, техника тараққиёти талабларидан бири янгича 
фикрлайдиган, ижодий тафаккур ва қобилиятга эга бўлган баркамол шахсни вояга 
етказишдир. Ушбу ҳаракатлар замирида эса энг аввало, шахснинг фидойилиги, 
Ватанга ва ўз халқига муҳаб- батини шакллантириш масаласи ётади. Зеро, ҳар бир 
инсоннинг барча ҳаракатлари у ёки бу даражадаги ижтимоий манфаатларга хизмат 
қилади. 
Халқ оғзаки ижодиёти, мусиқа санъати, ўйинлари, байрамлар, санъат ва 
ҳунармандчилик, урф – одатлар миллий таълим ва тарбиянинг таркибий қисми 
сифатида ёшларни ҳар томонлама камол топтиришга хизмат қилади. Ўзбекистон 
Республикаси Президенти Ш.М.Мирзиёевнинг таъбирлари билан айтадиган бўлсак