Бухоро давлат университети ҳузуридаги илмий даражалар берувчи phD

Тадқиқотнинг объекти сифатида инглиз ва ўзбек ижодкорларининг 
ёлғизлик мотиви инсон руҳий ҳолати кўринишида бадиий талқин қилинган 
шеърий асарлари ҳамда ҳикоя, қисса, романлари танланди.
Тадқиқотнинг предметини инглиз ва ўзбек адабиётида ёлғизлик 
мотивининг бадиий-руҳий талқин хусусиятлари, кўринишлари, поэтик 
вазифалари ташкил қилади. 
Тадқиқотнинг усуллари сифатида қиёсий-типологик, қиёсий-тарихий, 
психолингвистик ва психоаналитик, когнитив-дискурсив, ассоциатив таҳлил 
методларидан фойдаланилган. 
Тадқиқотнинг илмий янгилиги қуйидагилардан иборат: 
инглиз ва ўзбек шеъриятида, ҳикоя, қисса, роман каби наср 
намуналарида метафора, антитеза, рамз, пейзаж, конфликт, қиёслаш сингари 
бадиий тасвир воситалари инсон ёлғизлик ҳолатининг ижтимоий-психологик 
факторлари поэтик мотивлаштирилишига алоқадор бадиий хусусиятларни 
воқелантиришда бирламчи функция бажариши аниқланган; 
ёлғизлик мотивининг анъанавийлиги, тизимлилик принципи, маъновий 
индукция ҳосил қилиши, асар сюжет мазмунини шакллантириши, 
актуаллашуви натижасида сарлавҳада акс этиш асослари, бунда ижодкорнинг 
ёлғиз одам образини яратиш, пейзаж, ранг символикаси, монолог каби поэтик 
воситалардан фойдаланиш жараёнида руҳий таҳлил, когнитив-дискурсив, 
ассоциатив мотивлаштириш маҳорати асосланган; 
инглиз ва ўзбек адабий контекстида ёлғизликнинг танҳолик, 
ёлғизланиш, бегоналашув, динга қаттиқ берилиш, жамиятни қабул қила 
олмаслик, келажакка ишончсизлик кўринишларининг маданий, ижтимоий, 
антропологик интеграллашувида рамзий-фалсафий ва ижобий/салбий 
жиҳатдан намоён бўладиган концептуал моҳияти исботланган; 
инглиз ва ўзбек ижодкорлари асарларида миллат менталитети, диний-
эътиқодий, маросимий тушунчалар, руҳий таҳлил, ижтимоий мавқе, адабий 
таъсир ёлғизлик мотивининг муаллиф ижоди индивидуаллигини белгилаш, 
сюжетнинг ўзагини таъминлаш каби бадиий-эстетик ва композицион 
вазифаларни ўташида муҳим омиллардан бири эканлиги далилланган.