Бухоро давлат университети ҳузуридаги илмий даражалар берувчи phD

Олтинчидан, лақаблар асарнинг юмористик руҳини таъминлашга ва 
китобхоннинг шу қаҳрамонга нисбатан симпатия ёки антипатиясини 
уйғотишга, миллий руҳини кучайтиришга хизмат қилган. 
Еттинчидан, адиб асарларида миллий уй-рўзғор анжомлари номи, 
нумизматик лексика, санъат дунёси, мусиқа, ҳунармандчилик, одоб-ахлоқ, 
менталитет билан боғлиқ номлар; қариндош-уруғчилик алоқаларига қараб, 
маъмурий-ҳудудий бўлиниш билан боғлиқ, ўсимлик ва ҳайвонот дунёси 
номлари, антропонимлар реалия бўлиб келган. Таржимада миллий реалиялар 
ҳеч қандай ўзгаришсиз аслича берилгани ва изоҳлангани яхши. Бироқ 
таржима қилинганлари услубий хатоликларни келтириб чиқарган.
Саккизинчидан, адиб асарлари таржимаси жараёнида халқ мақоллари 
икки хил ҳолатда: сўзма-сўз таржима (бунда мақол деярли ўзгаришсиз 
киритилган) ва инглиз тилидаги эквивалентларини қўллаш асосида амалга 
оширилганки, натижада аслиятдаги мазмунни ёрқин ифодалашга эришилган. 
Тўққизинчидан, адиб жуфт ва такрорий сўзларни қўллаш орқали 
бадиий мазмунни таъсирчан ифодалай олган. Инглиз тилида жуфт ва 
такрорий сўзлар ўзбек тили структурасидан фарқ қилгани ҳолда таржимон 
равиш ва сифат даражаларидан, иборадан, мазмунан мос келадиган бошқа 
сўз туркумларидан фойдаланиб, аслиятни бера олган.
Ўнинчидан, адиб персонаж нутқини, асосан, монологларда акс 
эттирган. Мутаржим монолог таржимасида адиб услубини сақлашга 
эришган. Монологларнинг персонажнинг ўз тилидан, муаллиф ва персонаж 
нутқи бир бутунликда, учинчи одам орқали ифодаланиши адиб ижодига хос 
яна муҳим хусусиятни намоён этган.
Ўн биринчидан, Эркин Аъзам халқона ибораларни яхши билади ва 
уларни воқелик талқинида, қаҳрамонлар характерини очиб беришда 
қўллайди. Чунки мазкур бирликлар бадиий мазмунни кучайтиришга, 
миллийликни 
ёрқин 
акс 
эттиришга 
хизмат 
қилади. 
Таржимада 
фразеологизмларнинг миллий ва умуминсоний бирлик сифатидаги 
хусусиятларидан келиб чиқиб ёндашилган.