Н.О.Сафарова (факультет ёшлар масалалари билан ишлаш бўйича декан муовини) сўзга чиқиб, Алишер Навоий асарларини ўрганиш, унинг бебаҳо меросидан ёш авлодни юксак маънавиятли, теран тафаккурли, юксак ижодий-интеллектуал салоҳият соҳиби этиб камолга етказишдек эзгу ишларда янада яққолроқ намоён бўлаётгани, юртимизда илм-фан, адабиёт аҳлига яратилаётган кенг шароитлар Навоий ва Бобур каби буюк алломаларимизнинг ҳаёти ва ижодига оид янги топилган тарихий манбаларни ўрганишнинг янада кўпроқ истиқболларини очаётгани, Навоий ва Бобур боболаримизнинг ҳаёт ва ижодларига бағишланган адабий-бадиий дастурларини юқори савияда намойиш этишгани ҳақида гапирди.
Ф.Ф.Нуруллоев(кафедранинг маънавий-маърифий ишлари учун масъул) сўзга чиқиб, Президентимиз Шавкат Мирзиёев халқ билан мулоқотнинг самараси ҳақида тўхталар экан, буюк бобокалонимиз Алишер Навоийнинг «Одами эрсанг, демагил одами, Ониким йўқ халқ ғамидин ғами» байтини келтириб, бу сатрларда қанчалик чуқур ҳаётий ҳикмат, фалсафа болигини таъкидлаган эдилар. Яъни бу дунёда одамларнинг дарду ташвишини ўйлаб яшаш - одамийликнинг энг олий мазони эканлиги, бу ўлмас сатрлар бугунги ҳаётимиз билан, орзу-интилиш ва амалий ҳаракатларимиз билан нақадар ҳамоҳанг экани одамни ҳайратга солиши, унинг қарашлари, олға сурган фалсафий-ахлоқий фикрлари бир халқ, бир мамлакатга эмас, бутун башариятга тегишли эканлиги, Навоий асарлари бизни янги қарашлар, комиллик ва умуминсонийликка даъват этиши, Шоир асарларининг барҳаётлиги уларнинг замонлар ўтса-да, эскирмайдиган умумбашарий ғояларнинг улуғланганлиги, одамийлик сифатлари таърифлангани, мақталган ва тарғиб қилинганлиги хусусида гапирди.
М.Б.Шарипова(кафедра ўқитувчиси) сўзга чиқиб, мактабгача таълим йўналишининг иқтидорли талабалари ўртасида ташкил этилган ушбу тадбир нафақат талабаларимизнинг тўгаракларда фаоллиги, уларнинг маънавий-маърифий тадбирларда иштирокининг фаоллиги, юртимиз бўйлаб олиб борилаётган ислоҳотлар, келажак авлод истеъдодини қўллаб қувватлаш, юртимизда кечаётган шиддатли ислоҳотлар, халқимиз эзгу мақсад-муддаоларини ўзида акс эттирган мисли кўрилмаган ўзгаришлар бой маънавий илдизларимизга таяниши, маънавиятимиз асосларини эса буюк икки шоири ва мутафаккир бобокалонларимиз Алишер Навоий ва Бобурнинг бебаҳо меросидан айро тасаввур этиб бўлмаслиги хусусида гапирди.
Юқоридагиларни инобатга олиб, йиғилиш
ҚАРОР ҚИЛАДИ:
Ёшлар маънавиятини юксалтириш ва уларнинг бўш вақтини мазмунли ташкил этиш бўйича 5 муҳим ташаббус”нинг ижроси, Мактабгача таълим кафедрасининг “Кафедра куни” ҳамда Бир асрнинг икки буюк сиймосига бағишланган “Мангуликка муҳрланган мутафакирлар” мавзусидаги маънавий-маърифий тадбир юқори савияда ташкил топилган деб топилсин ва вилоятда оммалаштирлсин.
Тўгараклар фаолияти кучайтирилиши кафедра мудири зиммасига юклатилсин.
Do'stlaringiz bilan baham: |