Бухоро давлат университети “ИҚтисодиёт” кафедраси

Агротуризм бирлашмасини ташкил этишнинг 
механизми ва унинг самарадорлиги 
 
Туробова Ҳулкар, БухДУ катта ўқитувчиси 
Аграр соҳани барқарор ривожлантириш учун имкониятлар жуда 
ҳам кўп бўлиб, шулардан бири сифатида агротуризмни олишимиз мумкин. 
Агротуризмни ташкил этиш ва ривожлантириш орқали минтақаларда 
қишлоқ аҳолисини иш билан таъминланишига, уларнинг қўшимча 
даромадлари ошишига, аграр корхоналар ва туристик корхоналарнинг 
фойдалилик 
даражаларининг 
юқори 
бўлишига, 
қишлоқ 
инфратузилмасининг яхшиланишига эришилади. 
Мамлактимизда агротуризмни ташкилий-ҳуқуқий шаклини қуйидаги 
шаклларда шакллантириш мумкин. 
1.
Агротуризмни фермер хўжаликларини ўзи ташкил қилиши; 
2.
Агротуризмни фермер ва туристик фирмаларнинг ўзаро 
шартномавий муносабатларига асосланиши; 
3.
Қўшма тадбиркорлик яъни фермер хўжалиги ва туристик 
фирмалар биргаликда янги корхона ташкил этиш орқали; 
4.
Фермер хўжалиги ва туристик фирмаларнинг ўзаро ҳамкорлиги 
бирлашмасини ташкил этиш орқали. 
Тадбиркорликда тавваккалчилик юқори бўлганлиги, молиявий 
маблағларнинг етарли эмаслиги, фермерларнинг молиявий аҳволи яхши 
эмаслиги, туристик фирмалар учун ҳам ортиқча маблағ сарфланишини, 
бор имкониятдан самарали фойдаланишни ҳисобга олган ҳолда фермер 
хўжалиги ва туристик фирмаларнинг ўзаро ҳамкорлиги бирлашмасини 
ташкил этиш мақсадга мувофиқдир. 
Юқоридаги масалалардан келиб чиқиб, агротуризмни самарали 
ташкил этишда унинг ташкилий-ҳуқуқий шаклини тўғри танлаш зарур деб 
ўйлаймиз. Яъни фермер хўжаликлари ёки туристик фирмалар алоҳида-
алоҳида фаолиятни ташкил этишса, улардан кўп сармоя сарфлашлари 
талаб этилади. Бизнингча, фермер хўжаликларини ва туристик фирмалар 
(ФХ-ТФ
)
ортиқча маблағ сарфламасдан даромадларини оширишлари учун 
улар ўртасидаги кооперация алоқаларни ҳар бир минтақанинг ўзига хос 
хусусиятидан келиб чиққан ҳолда ташкил этиш зарурдир.

---

147