Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

8.2. Молекула симметрияси ва айланма-тебранма ҳаракатлари

Ҳар қандай модда молекуласи таркибидаги атомлар, ўзига хос симметрия қонунларига бўйсунган ҳолатда молекула ичида тегишли кимёвий боғлар билан биргаликда узлуксиз айланма ва тебранма ҳаракатда бўладилар. Ўз навбатида бу молекула симметриясида муҳим ўрин тутади. Молекула симметриясини оддий тасаввури, бу молекула ички тузилмасининг кўзгу текислигидаги акси дейиш мумкин. Одатда, кўзгу юзаси симметрия текислиги деб аталиб δ (сигма) билан белгиланади. Молекулани ҳосил қилувчи атомларнинг ўринлари алмашиниб молекула тузилиш шакли (конфигурацияси) ўзгариши – с и м м е т р и я л а н и ш ж а р а ё н и деб юритилади.

Молекуланинг симметрия текислиги (δ) нинг координат системасидаги ўрни одатда h ёки δ индекслар билан ифодаланади. Қулай бўлиши учун кўпинча декарт координат системаси (XYZ) да симметрия текислига δ (х,у) δ (у,z) кўринишларда ифодаланади ҳам. Шуни ҳам билиб қўйиш керакки, молекулада симметрия маркази мавжуд бўлиб, уни i билан белгиланади. Симметрия марказини аниқлаш учун, молекуладаги атомлар марказларидан бир-бирларини бирлаштирувчи тўғри чизиқлар ўтказилади. Ана шу чизиқлар ўртасида жойлашган нуқта агар ундан қарама-қарши тенг масофада атом жойлашган бўлса, симметрия маркази ҳисобланади. Симметрияланиш жараёни маълум чизиқ симметрия ўқи (уни Р билан ифодаланади) атрофида бўлади.
Агар муайян молекула Р ўқ атрофида 360⁰ бурчак остида айланса ва шунда ҳам унинг шакли (конфигурацияси) ўзгармай қолса, худди шундай симметрияланиш жараёни «Ср–тартибли симметрияланиш» деб аталади. Симметрия жараёни билан боғлиқ молекулага тегишли барча кўрсаткичлар, жумладан, δ (симметрия текислиги), Р (симметрия ўқи), i (симметрия маркази) ва бошқалар симметрия элементлари ҳисобланади.
Молекулани ташкил этувчи атомларнинг молекула ички ҳаракатлари албатта молекулада қандай тартибли симметирия мавжудлигига жуда ҳам боғлиқ. Мисол сифатида, 28 – расмда тўғри чизиқли ва тўғри чизиқли бўлмаган 3 – атомли молекулалар тебранма ҳаракатларини схематик кўринишда ифодалаймиз.