Бухгалтерия ҳисобининг” предмети ва унинг тарақҚиёт усуллари режа: Хўжалик ҳисоби тўғрисида умумий тушунча ва унинг турлари. «Бухгалтерия ҳисоби»

Асосий бўлмаган фаолият – бу корхонанинг кунлик одатий бўлмаган фаолияти ёки фаолият турлари. Бундай фаолиятнинг кенг тарқалган турлари бўлиб инвестиция фаолияти, инновация фаолияти, молиявий фаолият ва эмиссия фаолияти ҳисобланади.
Инвестиция фаолияти – корхонанинг ўз маблағларини ўзининг моддий техника базасини яхшилашга, шунингдек ўзга корхоналарга ёрдам бериш ва қўшимча даромад олиш мақсадида киритиш билан боғлиқ фаолиятидир. Корхоналарнинг инвестиция фаолият турлари 9- расмда келтирилган.



Корхоналар инвестиция фаолияти

Капитал (реал) инвестиция фаолияти

Молиявий инвестиция фаолияти


9-расм. Корхоналар инвестиция фаолиятининг турлари
Капитал (реал) инвестиция фаолияти – корхонанинг ўз маблағларини ўзининг моддий техника базасини яхшилаш ва ривожлантиришга киритиш билан боғлиқ фаолиятидир. Ушбу фаолиятни ташкил қилувчи асосий хўжалик жараёнлари ва операциялари бўлиб қуйидагилар ҳисобланади (10-расмга қаранг).

Корхоналар капитал (реал) инвестиция фаолиятини ташкил қилувчи хўжалик жараёнлари ва операциялари







*Капитал қурилиш
* Асосий воситаларни сотиб олиш
* Номоддий активларни сотиб олиш
* Асосий подани шакллантириш
*Ерни ободонлаштиришга капитал қуйилмалар
* Молиявий лизинг шартномаси бўйича асосий воситаларга капитал қуйилмалар
* Бошқа капитал қуйилмалар – реконструкция, модернизация, кенгайтириш


10-расм. Корхоналар капитал (реал) инвестиция фаолиятини ташкил қилувчи хўжалик жараёнлари ва операциялари
Молиявий инвестиция фаолияти – корхонанинг ўз маблағларини ўзга корхоналарга ёрдам бериш ва қўшимча даромад олиш мақсадида киритиш билан боғлиқ фаолиятидир. Ушбу фаолиятни ташкил қилувчи асосий хўжалик жараёнлари ва операциялари таркиби 11-расмда келтирилган. Инвестиция фаолиятининг муҳим тури бўлиб инновация фаолияти ҳисобланади.