Бухгалтерия баланси

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЬЛИМ ВАЗИРЛИГИ


ФАРҒОНА ДАВЛАТ УНИВЕРСИТЕТИ
СИРТҚИ БЎЛИМ ИҚТИСОД ЙЎНАЛИШИ
III курс С19.141 Гурух талабаси
Абдулхакимов Дилшодбек Отабек ўғли


Бухгалтерия хисоби фанидан
МУСТАҚИЛ ИШИ

Бухгалтерия баланси

Режа:

1. 
   Бухгалтерия баланси ҳақида умумий тушунча.
   
2. 
   Бухгалтерия балансининг тузилиши ва моҳияти.
   

Бухгалтерия баланси ҳақида умумий тушунча

Корхонага раҳбарлик қилиш учун унинг маблағлари ва унинг қандай жойлашганлиги, ҳамда уларнинг ташкил топиш манбалари ҳақида маълумотга эга бўлиш керак. Бундай маълумотлар бухгалтерия баланси ёрдамида олинади.

Бухгалтерия баланси - хўжалик юритувчи корхоналарда ҳар ойнинг биринчи санасида хўжалик маблағларининг турлари ва ташкил топиш манбалари бўйича иқтисодий гуруҳлаштириш ҳисобланади.
Бухгалтерия баланси жадвал шаклида бўлиб, икки қисмдан иборат бўлади. Унинг чап қисми актив деб, ўнг қисми пассив деб аталади.
Баланснинг актив қисмида хўжалик маблағлари ва уларнинг жойланиши акс эттирилса, унинг пассив қисмида эса хўжалик маблағларнинг ташкил топиш манбалари ва тайинланиши акс эттирилади.
Корхонанинг ҳар қандай мулки қайсидир манба ҳисобидан келиб тушади. Шунинг учун бухгалтерия балансининг актив қисми унинг пассив қисмининг умумий суммасига (валюта балансига) тенг келиши керак. Баланс сўзи (фр. balance – тарози) тенглик, мувозанатлик маъносини англатади.
Ҳисобот даврида корхонанинг молиявий ҳолати ҳақида умумлашган ахборот манбаи бўлиб бухгалтерия баланси ҳисобланади. Унинг ёрдамида мулкнинг таркиби ва тузилиши, корхонанинг даромадлилиги ва унинг ликвидлилиги, оборот маблағларнинг айланиши, дебиторлик ва кредиторлик қарзларнинг ҳолати ва унинг динамикаси ўрганилади.
Бухгалтерия баланси ёрдамида корхонанинг тўлов қобилияти ўрганилади, яъни корхона ўзининг жорий активлар билан жорий қарзларини тўлаш қобилияти аниқланади.
Бухгалтерия балансининг тенглигини қуйидаги тенглама кўринишида бериш мумкин: