Бугунли кунда мустакил Узбекистонимизнинг тараккиёти учун барча жавхаларда туб узгариш килинмокда, шу жумладан мактабдан ташк

Иш қуроллари билан ишлаш қоидалари ва газлама танлаш.
Юмшоқ ўйинчоқларни тикишда фойдаланиладиган иш қуроллари. Ишлатиладиган газламалар ва уларни танлаш қоидалари.
Тикишда фойдаланиладиган иш қуролларини ишлатиш. Газламалар танлаш.
Юмшоқ ўйинчоқларни тикишда асосан игналар, ангишвона, қайчи билан ишланади. Игнани ишлатиб бўлгандан кейин игнақадагичга санчиб қўйилиши кераклигини, эҳтиёикорлик учун ангишвонани қўлга игна кириб кетмаслиги учун тақилишини, қайчиларни ўз ғилофида туриши, керак ҳолда ишлатиб ўз жойига қўйиш тартибларини тушунтирилади.
Юмшоқ ўйинчоқларни тикишда асосан драп, табиий ва сунъий мўйна матолар, велюр матолардан фойдаланилади.
Андоза ёрдамида чизиб, тикиш.
Юмшоқ ўйинчоқларни андоза ёрдамида чизиш ва андоза асосида тикиш қоидалари.
Юмшоқ ўйинчоқларни тикиш олдидан мос мато танланади. Ўйинчоқнинг расми қоғоз картонга чизилиб, андоза тайёрланади. Тайёрланган андоза асосида бичилади. Тикиш учун матонинг турига қараб игна ва ип танланади ва тикув машинаси ишга тайёрланади. Алоҳида-алоҳида бичилган деталларнинг учлари очиқ қолган ҳолатда тикув машинасида тикилади. Тикилган деталларга пахта, паралон ёки синтефон тиқилади. Деталлар бир-бирига бирлаштириб қўл чокида тикилади. Ўйинчоқнинг кўз, бурун, оғизлари ўрнатилади. Тайёр бўлган ўйинчоқнинг ташқи кўринишини бойитиш учун мос келган безакларни бериш мумкин.


Ўйинчоқларни пардозлаш ва безаш.
Пардозлаш ва безашда фойдаланиладиган жиҳоз ва безаклар.
Пардозлаш ишлари ўйинчоқлар тайёр бўлгандан сўнг амалга оширилади. Ўйинчоқларни ортиқча иплардан тозалаб, мўйналарни авайлаб тараб чиқиш ва ҳакозолар пардозлаш ишларига киради.
Тикилган ўйинчоқларни кўринишларини бойитиш учун безак ишлари берилади.Ҳар хил юмшоқ ўйинчоқларни безаш учун мос келган жойларига мунчоқ ва ялтироқ тангачалар, пулакчалардан безак берилади. Баъзи ўйинчоқларга қўнғироқчалар осиш мумкин. Ўйинчоқларнинг кийимларига рангларини уйғунлаштириб танланган чиройли материаллардан гуллар қирқиб аппликациялар тикиб чиқиш, лента тесмалардан галстукчалар ва гулли безаклар тикилади.