Bugungi kunda sun’iy intellekt sohasi va uning katta qismi bo’lmish mashinali o’qitish yo’nalishi hayotimizdagi barcha muhim va kerakli sohalarda sinab ko’rilmoqda

O’ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
Bitiruvchi Akramov Sherzod Farxadovichning “Mashinali o’qitish algoritmlari asosida inson kaftidagi ishoralarni tanuvchi dasturiy vosita ishlab chiqish” mavzusidagi bitiruv malakaviy ishiga
TAQRIZ
Bugungi kunda sun’iy intellekt sohasi va uning katta qismi bo’lmish mashinali o’qitish yo’nalishi hayotimizdagi barcha muhim va kerakli sohalarda sinab ko’rilmoqda. Bunday mashinalashtirilgan texnologiyalarga o’tish kelajakda deyarli barcha sohalarda qo’llaniladi va uni yurtimizda rivojlantirib ko’p yo’nalishlarda sinab ko’rish muhim ahamiyat kasb etadi.
Bunga erishish uchun avvalo jahon texnologik olamida jadal rivojlanayotgan loyihalarni yo’lga qo’yish kerak. Shundan kelib chiqib, mashinali o’qitish algoritmlari asosida qo’l va kaft ishoralarini aniqlovchi dasturiy vositasini yaratish muhim qadam va yangiliklardan biri hisoblanadi.
Talaba Akramov Sherzodning bitiruv ishi kirish, 4 ta bob, yakuniy xulosa, foydalanilgan adabiyotlar hamda ilova qismidan tashkil topgan. Mashinlai o’qitish algoritmlari, qo’llanilgan texnologiya va dasturlar tahlil qilingan, Python, Mediapipe, SVM dastur va paketlari yordamida qo’l ishoralarini tanuvchi dasturiy vosita ishlab chiqilgan va BMIda to’liq yoritilgan.
Ushbu bitiruv ishida qo’l va kaft ishoralarini tanuvchi dasturiy vosita Python, Mediapipe va SVM dastur va modullari tomonidan to’g’ri yondashilgan, loyihani tashkil etuvchi elementlar tarmog’i tuzilgan va uni baholash to’liq tahlil qilib berilgan. Shu sababli taqriz qilinayotgan bitiruv ishi mavzusi dolzarbdir.
Bitiruvchi Akramov Sherzod Farxadovich bitiruv ishining topshiriqlarini to’liq bajargan. Bitiruv bakalavr ishi barcha talablarga javob beradi va a’lo bahoga munosib, uning muallifi Akramov Sh.F. Kompyuter injiniringi (“Kompyuter injiniringi”) yo’nalishi bo’yicha bakalavr darajasiga loyiq deb hisoblayman.


Taqrizchi
TATU “Kompyuter tizimlari”
kafedrasi dotsenti Abdurashidova K.