Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

8.8. Майда фракциядаги юкларни ташиш вақтида йўқолишининг олдини олиш

Майда фракция юкларни очиқ ҳаракатдаги таркибда ташишда юк жўнатувчи темир йўл ва атроф муҳитни ҳимоялаш чораларини кўриши зарур. Барча юк камайиши уч хил кўринишга эга: конструктив тешиклардан юк оқиши; ҳаво оқимлари билан юк учиб кетиши; бортдан баланд бўлган юкнинг майда заррачаларининг тўқилиши.

Конструктив тешиклардан юк оқишининг олдини олиш учун тешиклар рулон, варақ ва пленка материаллар, паста, ластик билан зичланади. Зичловчи материаллар вагонга юк ортишдан олдин қўлланилади.
Юкнинг вагондан шамолдан учиб кетишининг олдини олиш учун юкнинг усти текисланади, зарур бўлганда зичланади. Майда фракциядаги енгил юклар очиқ вагонларга шундай солинадики, штабелнинг юқори қисми зичлангандан сўнг унинг баландлиги 250-300 мм ни ташкил қилади.
Кўндаланг кесимда қараганда юк трапеция сифатида кўринади.
Юкнинг гранулометрик таркиби ва зичлигига кўра текислаш ва зичлаш учун қуйидаги мосламалардан фойдаланилади: юк зичлиги 1,0 т/м3 бўлганда қириб текислагич (скребковўй равнитель) қўлланилади, юк зичлиги 0,85-1,0 т/м3 статистик ҳаракатли мослама, юк зичлиги 0,85 т/м3 кам бўлганда вибростатистик ҳаракатли мослама қўлланилади.
Тўқилувчи юкни зичлаш даражаси уни очиқ вагонга ортиш усулига боғлиқ: бункерли ортишда конвейер ёки кранли ортишга нисбатан зичлаш кўпроқ.
Юк юзасини текисловчи махсус ускуна қўлланилганда юкнинг учиб кетишдан йўқолиши 10-15 % камаяди.
Ўтказилган тажрибалар кўмирни такроран зичлаш яхши самара беришини кўрсатди. Бунда юкни ярим вагонга ортиш 2,2 тоннага ортса, учиб кетиш 40%га камаяди.
Вибростатик ускуналарни қўллаш ҳаво билан учириб юбориладиган камайишларни 30% га оширади ва тўрт ўқли очиқ вагонларга майда фракция кўмирлар ортишда 5-7 тоннага кўпроқ юк ортиш имконини беради.
Йўл давомида майда фракция юкларнинг очиқ вагонларда шамолда учиб камайишининг олдини олиш мақсадида “Компаунд МР” суюқ эритма билан пуркаланади. Бундан ташқари юк устини ёпишқоқлик хусусиятга эга пленкалар билан ёпилади.
Ҳимоя пленкаси пишиқ, эластик, вагон периметри бўйлаб кузов обшивкаси билан яхши туташиш, ҳаракатдаги таркиб ҳаракатланиши давомида ўз таркибини йўқотмаслик хусусиятларига эга бўлиши зарур.
Плёнка текисланган ва зичланган юк устига вагон форсункалар остидан ҳаракатланганда ёпилади (расм 9.1). Юк ҳимоя плёнкаси билан қопланганда юкнинг шамолда учиб кетиши тўла тўхтатилади.

Расм 8.10. Плёнка текисланган ва зичланган юк устига вагон форсункалар остидан ҳаракатланганда ёпилади