Буфер тизимлар (эритмалар). Буфер эритмаларнинг рН қийматлари

Кучсиз асос ва унинг тузидан иборат буфер тизимлар
Аммиак ва аммоний хлориднинг сувдаги эритмасидан таркиб топган аммиакли буфер аралашмани кўриб чиқамиз:
NH₃·H₂O+NH₄Cl
Аммоний хлориди кучли элеткролит сифатида ионларга йўлиқ ажралади:
NH₄Cl → NH₄⁺+Cl ^-
Аммиакнинг сувдаги эритмаси эса кучсиз элеткролит бўлгани сабабли жуда оз диссоциланади:
NH₃+Н₂O= NH₃·H₂O=NH₄⁺+ОН^-
Агар аммиакли буфер аралашмага озгина кучли кислота қўшилса, эритманинг муҳитини кескин ўзгартириши керак бўлган водород ионлари аммиак ионланишидан ҳосил бўлган гидроксил гуруҳлари билан бирикади. Мувозанатдаги гидроксил ионларини камайиши сувли аммиакни диссоциациясини ортиши (мувозанатнинг ўнгга силжиши) ҳисобига мувозанатнинг янги ҳолати қарор топади. Натижада буфер аралашманинг рН қиймати деярли ўзгармайди.
Агар аммиакли буферга озгина ишқор қўшилса, ишқорнинг гидроксил гуруҳлари аммоний катиони билан бирикиб, айни шароитда деярли ионлашмайдиган кучсиз электролит NH₃·H₂O ҳосил қилади:
ОН-+NH₄⁺→ NH₃·H₂O
Шунинг учун айни шароитда эритманинг рН қиймати деярли ўзгармайди.
Аммиакли буфер аралашма рН қийматини ҳисоблаймиз:
NH₃+Н₂O= NH₃·H₂O=NH₄⁺+ОН^-
Мувозанатнинг концентрацион доимийси:
, бундан 
Диссоциация даражаси жуда кичик α<<1 бўлгани учун аммиакнинг мувозанатдаги концентрацияси [NH₃] унинг дастлабки концентрациясига с(NH₃), аммоний катионларининг мувозанатдаги концентарцияси [NH₄⁺] эса тақрибан аммоний хлорид тузининг дастлабки концентрациясига с(NH₄Cl) тенг:
[NH₃]≈c(NH₃), [NH₄⁺]≈c (NH₄Cl)
Унда гидроксил ионларининг мувозанатдаги концентрацияси
[OH^-]=К_вс((NH₃)/c(NH₄Cl)
Ифодани логарифмлаб, -1 га кўпайтиргач,

кўрсаткичларда ифодаланса,

(5.7) ифодасини ҳисобга олиб,

Умумий ҳолда бир асосли кучсиз асос В ва унинг тузи BAn (An^- анион) дан таркиб топган буфер аралашма учун қуйидаги формулани
рН=14-рК_в-р(С_в/С_а) (5.22)
ёзиш мумкин, тенгламадаги рК_в – бир кислотали кучсиз асоснинг (В) асослик доимийси, С_в ва С_а тегишлича кучсиз асос В ва унинг тузи ВАn дастлабки концентрaцияси.