Budjet hisobi

G’aznachilik boshlig’i – vaziri o’rinbosari 
G’aznachilik 
boshlig’ining I-
o’rinbosari 
Qoraqalpog’iston 
Respublikasi va hududiy 
g’aznachilik bo’linmalari 
(14/199) 
G’aznachilik boshlig’ining 
o’rinbosari – Amaliyot 
boshqarmasi boshlig’i 
Metodoligiya, 
moliyaviy resurslarni 
tartibga solish va 
hisoblar boshqarmasi 
Davlat budjetining 
g’azna ijrosining 
metodologiya 
bo’limi 
Moliyaviy resurs-
larni tartibga solish 
bo’limi 
Ichki va tashqi qarz 
bo’yicha hisoblar 
bo’limi 
Davlat budjeti g’azna 
ijrosining yig’ma 
tahlil bo’limi 
G’aznachilik 
operatsiya-larini 
nazorat qilish bo’limi 
Buxgalteriya hisobi 
va hisoboti bo’limi 
Davlat budjeti g’azna 
ijrosi tahlili va nazorati 
boshqarmasi 
Yuridik 
majburiyatlar va narx 
monitoringi bo’limi 
Moliyaviy 
majburiyatlar va 
to’lovlar bo’limi 
Huquq-tartibot 
organlari xujalik 
shartnomalarini 
ruyxatga olish va 
tulov bo’limi 
Mudofaa bo’yicha 
bo’lim 
Yuristkonsultant 
Ish yurituvchi  

---

 
129 
"Davlat budjetining g‘azna ijrosi tizimini yanada rivojlantirish chora-tadbirlari 
to‘g‘risida" 2007 yil 28 fevraldagi PQ-594-son qaroriga muvofiq ishlab 
chiqilgan hamda O‘zbekiston Respublikasi Moliya vazirligi g‘aznachiligining 
asosiy vazifalari, funksiyalari, vakolatlari va javobgarligini belgilab beradi. 
G‘aznachilik o‘zining hududiy bo‘linmalari bilan birgalikda davlat 
budjetining g‘azna ijrosini amalga oshiradigan maxsus vakolatli moliya organi 
hisoblanadi. 
G‘aznachilik o‘z faoliyatida O‘zbekiston Respublikasi Konstitutsiyasi va 
qonunlariga, O‘zbekiston Respublikasi Oliy Majlisi palatalarining qarorlariga, 
O‘zbekiston Respublikasi Prezidentining farmonlari, qarorlari va 
farmoyishlariga, O‘zbekiston Respublikasi Vazirlar Mahkamasining qarorlari va 
farmoyishlariga, mazkur Nizomga hamda o‘z faoliyatiga tegishli bo‘lgan boshqa 
normativ-huquqiy hujjatlarga amal qiladi. 
G‘aznachilik o‘z faoliyatini davlat boshqaruvining boshqa organlari, 
mahalliy davlat hokimiyati organlari, O‘zbekiston Respublikasi Markaziy banki, 
tijorat banklari, boshqa tashkilotlar bilan o‘zaro hamkorlikda bevosita va 
o‘zining hududiy bo‘linmalari orqali amalga oshiradi. 
Nizomga muvofiq quyidagilar g‘aznachilikning asosiy vazifalari 
hisoblanadi: 
−  Davlat budjetinining kassa ijrosi, jumladan tushadigan daromadlarni turli 
darajadagi budjetlar o‘rtasida taqsimlash, budjetdan mablag‘ oluvchilarning 
xarajatlar smetalari ijrosi va Davlat budjeti ijrosi to‘g‘risida hisobot tuzish; 
−  Davlat budjeti mablag‘larini yagona g‘aznachilik hisob raqami, 
shuningdek tegishli budjetlar daromadlari va xarajatlari o‘rtasidagi kassa 
uzilishlarining oldini olishni ta’minlaydigan hududiy g‘aznachilik hisob 
raqamlarini joriy etish orqali boshqarish; 
−  budjet tashkilotlarining tovarlar yetkazib beruvchilar (ishlarni 
bajaruvchilar, xizmatlar ko‘rsatuvchilar) bilan shartnomalarini, shuningdek 
davlat budjeti mablag‘lari hisobidan kapital qurilish bo‘yicha 
buyurtmachilarning shartnomalari (keyingi o‘rinlarda  budjet tashkilotlari va 

---

 
130 
buyurtmachilar shartnomalari deb ataladi) xarajatlar smetasida ko‘rsatilgan 
summalar va maqsadlarga qat’iy muvofiq ravishda tuzilishi ustidan qattiq 
nazorat o‘rnatish asosida mazkur shartnomalarni majburiy ro‘yxatdan o‘tkazish 
tartibini joriy etish orqali budjet tashkilotlarining maqsadga nomuvofiq, asossiz 
xarajatlarining oldini olish; 
−  budjet tashkilotlarini, shu jumladan, mudofaa va xavfsizlik tuzilmalarini 
moliyalashtirishga yo‘naltiriladigan budjet mablag‘laridan foydalanishni 
maqbullashtirish yuzasidan monitoring olib borish, bunda ular tomonidan 
tuzilayotgan shartnomalarning sifati ta’minlanishini, ularning maqsadga 
muvofiqligi va narx-navo yechimini nazarda tutish hamda qoidaga ko‘ra, 
vositachilik xizmatlaridan voz kechish; 
−  xarajatlar smetasi va ro‘yxatga olingan shartnomalarda nazarda tutilgan 
qat’iy summalar doirasida tovarlar yetkazib beruvchilar (ishlarni bajaruvchilar, 
xizmatlar ko‘rsatuvchilar)ning bevosita hisob raqamlariga budjetdan mablag‘ 
oluvchilar nomidan va ularning topshirig‘i bo‘yicha to‘lovlarni amalga oshirish 
orqali to‘lov intizomiga so‘zsiz rioya etilishi ustidan ta’sirchan nazoratni 
ta’minlash; 
−  Davlat budjeti g‘azna ijrosining buxgalterlik hisobi va hisobotini 
yuritish, davlat budjeti ijrosi haqida axborotlarni to‘plash, qayta ishlash va tahlil 
qilish, shuningdek O‘zbekiston Respublikasining davlat ichki va tashqi 
qarzlariga xizmat ko‘rsatish, O‘zbekiston Respublikasi kafolatlarini ijro etish. 
G‘aznachilik o‘ziga yuklangan vazifalarga muvofiq quyidagi funksiyalarni 
bajaradi: 
−  budjet tashkilotlari xodimlariga ish haqi va unga tenglashtirilgan boshqa 
to‘lovlar, shuningdek qonun hujjatlariga muvofiq budjet tashkilotlari tomonidan 
naqd pul mablag‘lari bilan to‘lanadigan boshqa to‘lovlarni to‘lash uchun 
g‘aznachilikning bank hisob raqamlariga mablag‘lar o‘tkazadi; 
−  Davlat budjetida ular uchun mablag‘lar nazarda tutilgan yuridik va 
jismoniy shaxslarning bank hisob raqamlariga sudning qarori bo‘yicha yagona 
g‘aznachilik hisob raqamidan yoki g‘aznachilikning boshqa hisob raqamlaridan 

---

 
131 
mablag‘lar o‘tkazadi, shuningdek qonun hujjatlarida nazarda tutilgan tartibda 
davlat organlari yoki ushbu organlar mansabdor shaxslarining noqonuniy xatti-
harakatlari yoki harakatsizligi natijasida fuqarolarga yoki yuridik shaxslarga 
yetkazilgan zararni qoplash uchun mablag‘lar o‘tkazadi; 
−  O‘zbekiston Respublikasi Moliya vazirligiga har kunlik asosida yagona 
g‘aznachilik hisob raqamida va hududiy g‘aznachilik hisob raqamlarida 
mablag‘larning harakati to‘g‘risidagi axborotni elektron shaklda taqdim etadi; 
−  budjetdan mablag‘ oluvchilarga ular uchun g‘aznachilikda yoki uning 
hududiy bo‘linmalarida ochilgan shaxsiy hisob raqamlaridan ko‘chirmalar, 
ularning xarajatlarini qoplashga budjet mablag‘lari o‘tkazilganligini 
tasdiqlaydigan to‘lov hujjatlari va boshqa hujjatlarni taqdim etadi; 
−  manbalar bo‘yicha tegishli budjetlar daromadlari tushumi hisobini 
yuritadi; 
−  Davlat budjeti ijrosi jarayonida respublika budjeti daromadlari tushumi 
va xarajatlarining qisqa muddatli prognozlarini tuzadi; 
−  moliya organlarining topshirig‘i bo‘yicha yuqori budjetlarda nazarda 
tutilgan rejali dotatsiyalar, subventsiyalar, budjet ssudalari summasini va boshqa 
to‘lovlarni quyi budjetlarning shaxsiy g‘aznachilik hisob raqamlariga o‘tkazadi; 
−  budjet tashkilotlari va buyurtmachilarning shartnomalari xarajatlar 
smetasida ko‘rsatilgan summalar doirasida va maqsadlarga muvofiq tuzilishi 
ustidan qattiq nazorat qilish asosida shartnomalarni ro‘yxatdan o‘tkazadi; 
−  budjetdan mablag‘ oluvchilar nomidan ro‘yxatga olingan shartnomalarda 
yoki budjet mablag‘larini yuridik va jismoniy shaxslarning hisob raqamlariga 
o‘tkazish majburiyatini yuklaydigan boshqa hujjatlarda nazarda tutilgan 
summalar doirasida tovarlarni yetkazib beruvchilar (ishlarni bajaruvchilar, 
xizmatlar ko‘rsatuvchilar)ning bevosita bank hisob raqamlariga to‘lovlarni 
amalga oshiradi; 
−  budjet tashkilotlarini, jumladan, mudofaa va xavfsizlik tuzilmalarini 
moliyalashtirishga yo‘naltiriladigan budjet mablag‘laridan foydalanishni 
maqbullashtirish yuzasidan monitoring olib boradi, bunda ular  tomonidan 

---

 
132 
tuzilayotgan shartnomalarning sifati ta’minlanishini, ularning maqsadga 
muvofiqligi va narx-navo echimini hamda qoidaga ko‘ra, vositachilik 
xizmatlaridan voz kechishni nazarda tutadi; 
−  schyot-fakturalar va tovarlar yetkazib berilishi (ishlar bajarilishi, 
xizmatlar ko‘rsatilishi) holatini tasdiqlaydigan yoki budjetdan mablag‘ 
oluvchilarga soliqlar, yig‘imlar hamda budjetga va budjetdan tashqari davlat 
maqsadli jamg‘armalariga majburiy to‘lovlar uchun budjet mablag‘larini 
o‘tkazish majburiyatini yuklaydigan boshqa hujjatlar asosida budjet mablag‘i 
oluvchilarning moliyaviy majburiyatlari hisobini yuritadi; 
−  birlamchi hujjatlar asosida davlat budjeti g‘azna ijrosining tahliliy va 
sintetik buxgalteriya hisobini yuritadi; 
−  Davlat budjetining ijro etilishi haqida axborotlarni to‘plash, qayta ishlash 
va tahlil qilish asosida davlat budjetining kassa ijrosi to‘g‘risida hisobot tuzadi 
va ushbu hisobotni belgilangan muddatlarda O‘zbekiston Respublikasi Moliya 
vazirligiga taqdim etadi; 
−  qonun hujjatlarida belgilangan tartibda O‘zbekiston Respublikasining 
ichki va tashqi qarzlariga xizmat ko‘rsatadi, shuningdek O‘zbekiston 
Respublikasi kafolatlarini ijro etadi; 
−  o‘zining hududiy bo‘linmalari faoliyatini tahlil qiladi va 
muvofiqlashtiradi; 
−  normativ-huquqiy hujjatlarni  va metodologik materiallarni, shu 
jumladan, g‘aznachilik hamda uning hududiy bo‘linmalari tomonidan amalga 
oshiriladigan operatsiyalarni maqbullashtirish, davlat budjeti ijrosi to‘g‘risidagi 
buxgalteriya hisobini va hisobotlarni takomillashtirish masalalari bo‘yicha 
normativ-huquqiy hujjatlarni va metodologik materiallarni ishlab chiqishda 
qatnashadi; 
−  g‘aznachilik va uning hududiy bo‘linmalari xodimlari malakasini 
oshirish ishlarini tashkil etadi va amalga oshiradi.